A Min Ah “R” Pakhat A Hleimi Andrew Forrest Nih Thingram A Dawt Ning Hi A Mak Ko

American dollar 9 billions deng a rum mi pa Australia mirum pa Andew Henry Forrest nih Australia meikang caah dollar Nuai 70 a hlut. Forrest hi a min he ai tlakin thingram lei a daw tuk ve mi asi. Hi hnu zongah sikhawh chung in ka hlut rih lai tiah a ti.

Forrest hi a dawtu hawikom nih cun Twiggy tiah an kawhmi asi. Cele minthang pawl le ramcaah a dir mi pawl nih heh tiah a hlu an khan i dollar Nuai khat ngah ding har tukin an i zuam lio ah Twiggy nihcun a ram caah siang tukin a pek tikah a hlu kawltu pawl an tha a tlung tuk ve.

Forrest hi Australia ah (Nickel) chauhnak Company asi mi Fortescue Metals Group le Minara Resources Company a ngeitu asi. Australia meikang bawmhnak ding caah a nupi nih a dirhmi Minderoo Foundation chung in dollar Nuai 70 cu a rak hlut hna.

Australia meikang hi a luancia Sep thal lio in duhsah in a rak i thawk mi asi. A tu tiang ah minung 25 an thi cang tiah langhter asi. Forrest nih a hluh mi chung in dollar Nuai 10 hi meithattu caah le cinthlak le saram zuatnak lei ah minunng 1200 lak thannak dingah hman asi lai tiah theih asi. A dang nuai 10 hi mi khamtu asi mi Red-Cross pawl caah hman asi lai.

Red-Cross pawl hi cu meikhanghnak lawng silion a dang bawmh a herhnak hmun poh a kal mi an si. A dang nuai 50 hi meikangkhamhnak caah hamn ding asi. Mei kangh in i khamhkhawh mi cu asilonain mei a kangh tikah zawkzawk deuh le ningcang deuh in i runvennak ca dingah hman ding asi tiin theih asi.

Be the first to comment on "A Min Ah “R” Pakhat A Hleimi Andrew Forrest Nih Thingram A Dawt Ning Hi A Mak Ko"

Leave a comment

Your email address will not be published.


*


This site uses Akismet to reduce spam. Learn how your comment data is processed.