Condom Hmang Reng Chunga A Nupui A Rai Avangin Condom Siamtu Company Khin Let A Tum

China ram Haining khaw pa chu a nupui nen fa neih an duh tawhloh avangin condom an hmang thina a zawnin vawi 2 lai a hmang nachungin a condom hman chu a ruka an lo pawp avangin a nupui a rai phah ta a ni.

Hei vang tak hian Condom siamtu Company Durex chu khin let a tum tih hriat a ni. He pa hi a hming Wang tih bak sawilan a ni lova a nupui nen hian fa 2 an neih tawh avangin fa dang hrin belh an tum tawh lo a ni. Fa neih an duh tawh loh avang hian nupa nun an hman pawhin condom hmangin an lo inveng ve nasa tih Sina Chanchinbu chuan a tarlang.

Wang hian a condom hman a pawp tih a hriat veleh rai theihlohna damdawi a nupui chu a ei tir nghala a tuka zana nupa nihna an hman vawi 2 na ah pawh a pawp tih a hre leh ta zela an nu damdawi a pek pawh chuan hna a thawk lo a ni mahna a rai ta tlat si a ni.

A nupui hian fa dang neih belh chu thil ni thei a ni tawh lo tiin a naupai chu a zutthla ta a hei vang hian Wang chu a thinrim hle a Condom a leina dawrah kalin an thil zawrh chu a lem mai a nih thu sawiin a chhuah chhal hlawm a ni. Mahse, dawr neitu lam chuan a tak ngei an hralh tih sawiin a company Durex chu khin a tum ta zawk niin an sawi.

Durex company lam chuan a leina man leh senso chu rulh sak an tum tih an sawia mahse, an thil siam chu a pawp a awm ngai lo an ti ve thung. Wang chuan an nu a rai avanga hreawm an tuarna leh an thil tawn chuan an nun a ti hreawm hle tih a puang zar zui bawk.

Wang chuan an khua atanga police station hnai berah thil awmzia chu report turin a kala Station lam chuan condom hman a thiam leh thiam loh a taka enchhin a nih tur thu an lo hrilh ve bawk. Hei veleh hian a phu ta zawk maia condom a hmandan chu a dik chiah ang em tih a ngaihtuah zui ta vang vang mai a ni.

Condom company Durex chuan Wang condom lei chu enfiah an tum tih hriat a nia, 2018 a an siam chhuah chu hralh zawh tawh a nih thu pawh an sawi. Wang chuan awmze nei taka he thil hi an chhuilo a nih chuan a khing ngei dawn tih a sawi bawk. Source:sina

Be the first to comment on "Condom Hmang Reng Chunga A Nupui A Rai Avangin Condom Siamtu Company Khin Let A Tum"

Leave a comment

Your email address will not be published.


*


This site uses Akismet to reduce spam. Learn how your comment data is processed.