JOSEPH ZAIA TESTIMONY THARLAM

Rawngbawl hna pawimawhna ka man thiam ve ṭanin ka in hria :-

Khawinge a vawikhat nan Testemony kan share hlawl mai teh ang. Vawiin chawhma kan zirlai(puitling lamah) khan hlawk takin min pui bawk a ni.

Tunhma chuan Keimah lam hi ka in singsa nasa em em a, miten min duh avangin Rawngbawl tura rawih nasat pawl nia ka in ngaih chang a awm fo ṭhin. Mahse, hun a lo kal zel a, LALPA chuan hun khirh leh rapthlak tak kaltlangin min pheh thluk a, A ma chakna ka rin thiam theih nan chakna reng nei lova min siam a lo tum reng chu lo niin!!.

A *Rawngbawlna* chu sawichhiata a awm loh nan a hum tlat a, mak tak maiin kei tehlul hi min han thukru tel ve tlat lehnghal a. Chutianga min hliahkhuh tlat chung chuan, sual chu sual a nih dan angin a pho lang ta hmiah mai a ni. Chutah zet zawng chakna ka nei ta lo, ka ke a phet a, zak leh kimkiin min siam ta a ni.

Nimahsela, chhan nei lovin LALPA a che ngawt ngai lova, ka chunga thil thleng tur pawh hmu reng chungin a beng per duh tlat lo. A beng per lo hi a chhan a awm ngei tur a ni! Chuveleh chuan ka lo harh ta a! Ngaiteh, kei hi min ngai pawimawh lo ni lovin, kei aimah hian A Rawngbawl hna a lo ngai pawimawh zawk fe mai tih hi ka manchhuak ta a ni. A *Rawngbawl hna* chu a ngaih pawimawh em avangin, keini ang bawlhhlawhnaa khat te pawh hi iai hauh lovin min lo tir ve lawp lawp a lo ni mai chauh zawk si a!! A va thukin a va sang em!! PATHIAN hmangaihna hi!! Amen…

Be the first to comment on "JOSEPH ZAIA TESTIMONY THARLAM"

Leave a comment

Your email address will not be published.


*


error: Content is protected !!