Ka Zawtnak In Thih Ka Duh Rihlo Ka Pa Tiah Ihphah Te I Khuh In A Hram Lenmi Hngachiapa Kong Lung A Hno Tuk Hringhran

China ram ah a ummi kum 5 hngakchia pa te nih a zawtnak in thih lai a tih tuk ve i ka pa ka khamh ko tiah a ihphah te i kuh in a tap chih. Apa zong kum 5 asi mi a fapa Wang Yan a zoh tikah a celh lo tuk hrinhran. Wang Yan hi thi lei zawtnak Leukemia timi cancer a ngeimi asi.

An fapa te an thlopnak hi thla 9 asi ve cang. A zawtnak a dam deuh ti a um bal lo. Hringtu nu le pa nih an fapa te an thlopnak ah a ngeihchiah chawva a dih dih ve cang. Mah tik ah lungfak ngai in an fapa te cu inn lei an kir pi. Wang Yan hi 2014 ah a chuakmi asi. 2018 ah faktuk in a zaw i siibawi te nih a zawtnak an check tikah thi-rang zawtnak (white blood cell) a ngei ti an rak theih.

A ruh chung zongah thi-rang pawl an rak karh tuk cang. An fapa te an congh chung ah zeihmanh that hlei a panh lo. Chawva zong nih a zo tilo i inn lei an kir pi hi asi. Wang Yan cu a zawtnak in thih ding hi a lung si kho hrimhrim lo. Ka pa ka khamh ko. Thih ka duh rih lo. Ka tih tuk tiah a tap lengmang.

Siibawi te zong nih Wang hi ka dang siizungah kal pi ding in ruahnak an rak pek. Siizung dang i an i thlopnak ding zong hi Yuan Nuai khat hrawng dih ding asi. Wang i a nu le pa nihcun zeitihmanh in an ti kho ti lo. A donghnak bik i an tuah mi cu mipi sinah bawmh hal hi asi. Vanthatnak ah Wang thlopnak ding caah mipi sinin bawmhnak an hung ngah taktak.

Wang apa nihcun mipi nan chungah ka lawm tuk. Kan fapa hi nan mah fa asi ko. Kan mah fa asi ti lo. A tha bik in kan thlop piak lai tiah apa nih mitthli tlak buin lawmhnak bia a chim.

Be the first to comment on "Ka Zawtnak In Thih Ka Duh Rihlo Ka Pa Tiah Ihphah Te I Khuh In A Hram Lenmi Hngachiapa Kong Lung A Hno Tuk Hringhran"

Leave a comment

Your email address will not be published.


*


This site uses Akismet to reduce spam. Learn how your comment data is processed.