Kan Fate Avangin Ka La Then Lo

Kan pa nen kan inthen tang in thlaruk lai a liam ve ta. Inthen tura min nawrh luih lai te,ka duhlo chung min chhuahtir lai te ka ngaihtuah let in khanghun laia ka nat zia leh thlenglo theise ka tihzia te ka ngaihtuaha ka thinlung na pawh a dam sawt in tuardan pawh ka thiam sawt khawp mai.

Mahse, chung tuardan ka thiam chhoh em em na te chu tih bo in a awm leh ta. Thla liam ta khan kan pa chu rawn kalin Ka pa te rawn hawn velah ka rawn hruai ang” tiin kan chhungkaw hmaah a rawn sawi a. Keini pawn inthen atha lo ve tiin lawm takin kan lo dawngsawng ani.

Mahse, hun aliama ni a liama min rawn hruai tura rawnkal tih ni reng a awm ta reng reng lo mai a. Amah lah chu a reh ta vung vung bawk si nen kan hrilh a hai takzet a ni ber mai. Zankhat chu fawn a tang in ‘inthen hlen mai ang awmzia a awm tawhlo tih thu hi a rawnsawi ringawt a, min ti hrilhhaiin ka thinlung a van ti na nawn leh chiangtak em!

A thusawi hlen theilo tur khan engvanga ka chhungte hmaa khatia rawn awm nge a nih ka hrethiam lo a, hrehawm takin min siam ani ber mai. Min rawn be lo vang vang a, a rawn inlan leh ta, inthen hlen tak tak chu a duhloh thu leh hun erawh a duh deuh thu a rawn sawi leh a fate pa nanana chu huat fithlakthak ahar a ni. A fate chanchin min rawn zawt fo bawka keipawn tha takin ka lo chhanglet mai thin.

Mahse hriatthiam avan har thin tak em, hmanni lawka inthen hlen duhtu khan inneih leh chungchangte min sawipui a kei lahin ka hmangaihin then harsa ka ti ve tho si. Fawnin kan inbe fo a kan thu pawh a pangngai chho viau mai,mahse buaina dang leh bawk a duh hun hunah min be tha a,a duh hun hunah min be duhlo leh hmak a engnge a thinrimna tura tih ka neih ka hre bawk si lo. Hriatthiam a har ka ti takzet a ni.

Zanah lah nise zan rei tak tak thleng a online a,nilengin hna buai em em thin kha a online sek zel bawk si, a changin keileh a fate min rawn ngai huam a reilo te ah kan tello in a hlim leh em em a. Ngaihzawng te hi a nei em ni niang?

Hawngtura min duh tho siin inhruai tihni a awm thei chuang lo a. Fate pa mah nise mi lelo lutuk hnenah kir leh ngam chi a ni a ngem ka rilru a buai tak zet. Diktak chuan then hlen hi ka zuam lo a,kan fate vang choh pawn inthen hi keichuan ka duhlo a ni. Engnge tha ber ang khawngaihin min pui thei in awm chuan ka lawm hle ang.

Ziaktu (hming thup)

Be the first to comment on "Kan Fate Avangin Ka La Then Lo"

Leave a comment

Your email address will not be published.


*


error: Content is protected !!