Sri Lanka Mi Khualzin Myanmar-a Cham Mek Chu Krista Thawhlehna Ni (Easter) Sri Lanka A Bomb Puakah Khan Rinhlelh A Ni

Myanmar policete chuan Sri Lanka mi pakhat chu hmanni lawka Easter laia Colombo, Batticalao leh Negombo a bomb tih puah kaihnawihah in hnamhnawihna nei ngeia ringin an zawng mek tih thu hriat a ni.

April thlaa bomb puakah khan mi 250 laiin nunna an chan phah a ni. Nilaini khan Myanmar Tourist police te chuan a ramchhunga hotel te Tourism Department te chu he thil thleng kaihnawihah Abdul Salam Irshad Mamood kum (39) chu an registered ah a awm leh awm loh report nghal turin a hriattir a ni.

Heng Guesthouses te leh Hotels te hi Department chuan hriatpuiin license te pein an kalpui a ni. Heta depaetment lamin an reportna atanga a landan chuan he Sri Lankan khualzin hi tourist Visa hmangin 2018 khan Yangon ah a lo lut a ni tih an sawi a ni.

Alan danah chuan tunthleng Yangon International Airport ala chhuahsan lo tih hriat a ni. A visa hi a thi tawha dan lo angin tunah hian Myanmar-ah a khawsa mek tihna a ni.

Mahse, Sri Lanka sawrkarin he thil hi Myanmar hnenah engmah information a pek leh pek loh hriat ala ni lo a ni. Tourist police te chuan he thil hi ramchhunga an thawhpuite zawng zawng hnenah an hriattir vek tawh thu an sawi a ni.

He case hi chhuimek niin thuneitute chuan a ruk thei ang berin an bawhzui reng tih an sawi a ni. He thil hi media lamah pawh puanzar an rem ti rihlo a ni.

Myanmar Foreign Affairs Ministry permanent Secretary Umyint Thu Chuan he mihring hi mi buaina chawkchhuaktute zingah a langsar ber pawl a nih a rin thu Thursday khan a sawi a ni.

He thil thlengah hian local Islamist Groups te leh National Tawheed Jamaath (NTJ) te leh JMI Islamic groups te chuan an tihah an chhal a ni.

Be the first to comment on "Sri Lanka Mi Khualzin Myanmar-a Cham Mek Chu Krista Thawhlehna Ni (Easter) Sri Lanka A Bomb Puakah Khan Rinhlelh A Ni"

Leave a comment

Your email address will not be published.


*


error: Content is protected !!