Thailand-Myanmar Ramri Ah Myanmar Mi An Tlaih Tthan Hna

Nizaan January 15 ahkhan Thailand ram Tak pengkulh Maepa peng Huahin highway lampi cungah ti phorhnak motor pakhat cu ramri hngak ralkap le lahwahkah palik pawl nih lunghrinh in an dir ter hna.

A motor an chek tikah ti chiahnak ttengki tang i thuh a tongmi Myanmar mi 6 hna cu lahwahkah pawl nih an hmuh hna. Myanmar mi a phortu hna hi Thailand rammi an si hna i Myanmar ramri Mae Sot khua in Thailand ram Tak pengkulh lei ah an rak luh hna hi asi. Myanmar mi 6 hna hi pa 3 nu 3 tiin an si hna.

An hnulei in motor pakhat a rak lut tthan ve i cu zong cu ramri hngak ralkap le lahwahkah palik pawl nihcun an chek ve tthan. Cu motor tu ahcun Myanmar mi minung 5 hna cu motor hmailei ah an rak benh dih hna. Hi minung 5 hna hi pa 2 le nu 3 tiin an rak si hna.

Ramri hngak ralkap bawi pakhat nih Myanmar rammi Thailand ram i a rak luh pi tu hna Thailand rammi motor khaltu minung 2 zong an tlaih chihnak hna kong a rak chimphuan.

Palik nih dothlatnak an tuah hna tikah hi Myanmar mi pawl hi minung 1 kyat ting 6 lak in Thailand ram chung luhpi an si nak kong le hi Myanmar mi pawl hi Hpa-an khuami an si nak kong an rak chimphuan.

Hi hna pawl hi Thailand ram ah rian nan hmu lai tiah puaisa te nih an rak hlen hna hnuah tubantuk in Thailand ram lei an rak luhpi hna hi asi tiah theih asi.

Be the first to comment on "Thailand-Myanmar Ramri Ah Myanmar Mi An Tlaih Tthan Hna"

Leave a comment

Your email address will not be published.


*


This site uses Akismet to reduce spam. Learn how your comment data is processed.