Aung Ko Latt Nih Myanmar Idol A Zuam Mi Pawl Sinah A Chim Ballo Mi Bia A Chim

Judge Aung Ko Latt nih Myanmar Idol a dih hnu in a lung thin put dan cu fiang tein a chim. Aung Ko Latt hi comment a chimmi tete hi point a um mi lawng te an si. Hi ti a chimmi tete hi mipi nih thatnak in na hmuh zongah chiatnak in an hmuh (Positive/nagative) in an hmuh zong ah a poi tuk in ka chia lo.

Kan nih pawl lung chung ahcun a thiang dih ko. Myanmar Idol ah hin minung thong 40,000 chung in minung 11 kan thim hna. Hi lio ah hin zeitluk in kan re a theih cu kan mah nih kan theih bik. Kan nih nih kan duh mi cu mithmai thar thangthar mino tete hi asi ve. Kan rak uar hna bantuk in an mah ke an mah zong an i daw tuk hna.

Kan nih chan ahcun hnu lei in ke hleng phelh a hmang mi kan tam. Judge kan tuan chungah a ho mithmai zong kan zoh in kan zulh mi zong a um lo. Biaknak le miphun kong ah kan thei dang lo. A thiam kan ti mi chungin kan thimmi asi i a ho nih winner an ngah zong ah kan i lung si ko. Cun a donghnak bik mipi sinah a thiam bik kan rak ap tik hna zongah kan nihcu zeihmanh tuah khawhmi kan ngei ti lo. Mah tikah an mah ca thatnak biachim lawng hi kan tuah khawhmi asi ko tiah Aung Ko Latt nihcun a chim.

Cun Aung Ko Latt hi a rak men ve hrim lo. Kan mah lei Tial Uk bak kha asi ve ko. Vanlawng cung khualtlawn pah bakin hla a tial. Mah hla a tial hi 2018 Japan a rak tlawn lio ah asi. A hla title cu ” Fly way to our destination” asi i mah hla zong cu a rak poh taktak. Video ah hin tling deuh in zoh khawh asi. Video

Be the first to comment on "Aung Ko Latt Nih Myanmar Idol A Zuam Mi Pawl Sinah A Chim Ballo Mi Bia A Chim"

Leave a comment

Your email address will not be published.


*


This site uses Akismet to reduce spam. Learn how your comment data is processed.