Hotel-a Riak Nula Senior Chunga Thil Thleng Mak Tak Chu

Nula senior hi chu engkimah an lo senior nghe nghe. Tumkhat chu nula senior pakhat chuan apiancham lawm nan Hotel pakhatah kalin a piancham nikhat chu a hmang liam ta.

A tuk zingah chuan haw tumin a insiama hotel counter ah kalin a hotel man chu engzat nge tiin hotel hna thawk pa chu a zawt a chupa chuan $250 a tia, a van tam em em zankhat chauh tan chuan tiin nula senior chu lungawi lo em em chuan a phun sup sup a.

Chutih lai tak chuan hotel manager pa alo kala” eng problem nge i neih tiin nula senior chu a zawt.” Chu nu chuan, in hotel man chu a va to em em ve ” tiin lungawi lo em em chuan a lo chang. Manager pa chuan kan hotel ah hian Spa, Gym, leh swimming pool te aduh apiang hman theih turin kan dah veka a thlawnin i hmang thei vek a ni.

Chuvang chuan heng ho hmanna man pawh hi i hotel room hawhna manah a tel sa veka chu vangin $ 250 a nih na chhan a ni tiin manager pa chuan a chang. He nu hian “kei in Spa, Gym leh swimming pool engmah ka hmang lo a nia tlem chu ti tlawm deuh la a ti a.

Manager pa chuan hman tura kan dah ho i hman loh chuan nangma thiam loh a ni,, hei hi kan hotel rule a nia ka ti tlawm thei lo a tih zawh chiahah chu nu chuan $50 chu hei hi ka hotel man tiin a pea $ 200 erawh zankhat min mutpui man a tia manager pa chuan, kei hian ka mutpui che si lo eng vang nge mutpui man i tih thei?

Chu nu chuan nangpawh in hotel room chhungah keimah chauh vin ka mu tih i hre reng bawk si engvang nge i lo mut ve loh vat? nangma thiam loh vang a ni a ti. Lol…😃

Be the first to comment on "Hotel-a Riak Nula Senior Chunga Thil Thleng Mak Tak Chu"

Leave a comment

Your email address will not be published.


*


This site uses Akismet to reduce spam. Learn how your comment data is processed.

%d bloggers like this: