Nuthlawi Tiin Min Sel Maw

A tawp thleng lo hram ve rawh! Bajar lûn lai takah Nuthlawi tharlâm tia min put nawlh a, min kalpui vawk vawk lai khan, fiam dawl lo nih ka zah vangin ka nui ve mai anih kha aw! Ka thinlung hliam hlim hlawl a ni asin! A lung a la leng a niang, a bawrchhawr em mai” min ti teh sek a.

kan inchei ve dêk dêk a, a ka kaw nazawngin engvangin nge? A kâk leh tawh, va tang ve, min tih sek kher? In zingah inthlahrung ru ve takin ka rawn kal a, eng aiah nge patling pawmlai nei thleng thleng a min kuah sek in tum kher?

Remchang hlekah biang in lo piai ve thla zen a, in piai ve ngawt tur hian ka biang hi ka dawh chhin miah lo..!Chhiatni țhatni-ah laklawh thil ah te, zan rei thlen palh leh hmun ralti deuha ka lo ngaih ah, min vengtu tur emaw ka tih ten, engah nge min fawh ngawt in la tum sek!

Chuti ngawta nanga fawh thlahlel tur khawpa nang ang mipa ngai sângtu ka ni hauh lo. Tlangval virgin ngat pawh nise engahmah ka tih hleih loh tur patling vun zûr tûk tawh thlenga ka hnute leh taksa tawh tum sek te hi! Thawhlawka chartin bunga hlap zek tak che a nia ka nâp ni!

I kamtamzia ka hriat vang hian bei let lo che-in nuichungin ka inveng ve tawk tawk thin asin! Khawlai kal hlek ila, ralkhat atangte’n min lo au nawmnah thlazen a, nui duh lo ila i zah lawrh lawrh dawn vei nen!

A chang leh duk khawp khawpin ka bân-ah min lo la piai zui! In tâ ni miah lo hi eng’e maw in khawih ve sek le? I nupui kha in thenawmpate’n i mi fiam ang hian fiam se i lawm ang maw? Kawppui ka neih ve loh vang hian khawih thiang ka ni bik kher em ni? Ka rilru hi a na thei lo bik em ni?Tawngka lama he ka hming lo ni ta hmanga khawi hmunah pawh min chhaih nawmnah reng a.

Kam chhe tleuhna tluk hiala thawka phita i mi deuna phum rûk i au chhuahpui sek. Nuthlawi, nuthlawi i lo tih sek te hian, ka zah loh i ring em ni? Ka zah luat a vang hian ka zak ngam lo thin chauh zawk asin! Min ngainepin min hmusit viau mah la e, hei hi lo hre ve ta che!

Engmah ni lo mah ila, tu emaw, i ngaihsan zawng tak emaw, i hmuhsit ber emaw tân khan, ka lo in veng tha khiau thei asin! Chumi tana ka hlut phawt chuan eng’e pawi !! A nih loh vek pawhin, keima tân ngei hian, mi zahawm leh hlu ber ka la ni ve tho asin. Nupui nei reng chung pawh a, vawikhat melh uih deuha uire thei mai tur te, min hmangaih vang ni miah lo va, duh thring fahran neih vanga min ngaizawng der hreh hlek lo tur tlangval te hi zu han awm cheu va!

Heti ang mai maia nung ve chung hian, min la hmusit teh sek a maw..!? Min ngainep rawh pawi lo, mahse,ka ngai sang bik lo mai thei che asin!Mipa nazawng hi ngah’mah ka ti chai lo. Duh zawng nei thiam tur khawpa bawhpelh tawh.

Tûn hmâ zawng aia fimkhurna leh hlauhthawnna in a hrual fîp ka ni lo bik em ni! Kan nuih ve ngawt che vang hian kan hope kher lo che a, i tum bûr loh nan kan khi ve mai a nia.! Ka tleirawl vel lai kha chuan, nuthlawi te hi an zau in, fiam an dawl em em vek emaw ka lo ti thin a.

Mahse, an dinhmun avanga zak ngam lo khawpa zakzum an lo nihzia hi ka lo dawn tel phak lo! Ka nuthlawipuite thlavang kan hauh ve hlak..duh leh min deu rawh u!

Be the first to comment on "Nuthlawi Tiin Min Sel Maw"

Leave a comment

Your email address will not be published.


*


This site uses Akismet to reduce spam. Learn how your comment data is processed.

%d bloggers like this: