Hriat Zauna

Bawnghnute chu thil phek, zawl leh mam tha tak ah far/leih la. Bawnghnute pawlh dal loh chuan a luanna ah thil Var a hnutchhiah ang a. Tui pawlh chuan engmah a hnutchhiah lo ang a, a huh ringawt ang.

Bawnghnute ah Iodine solution han far la, rawng pawl a lo siam chuan starch an pawlh tihna a ni ang.

Bawnghnute fiante khat leh bekang dip fiante chanve pawlh la thing vak la. Minute 5 hnuah red litmus paper chiah la, minute chanve hnuah paper chu a sen atanga a pawla a lo inthlak chuan Bawnghnute titak turin Urea an pawlh a ni thin.

Bawnghnute fiante 2 leh concentrate hydrochloric acid fiante 1 darthlalang bur ah pawlh la. Rawng pawl emaw violet ang deuh a awm chuan a chhiat har nan Formalin an pawlh tihna a ni ang.

Bawnghnute leh tui 10ml ve ve pawlh la, han thing vak teh. A phuan suah suah chuan detergent an pawlh a ni duh. A rim lang lo mahse a hlauhawm.

Damdawi dawr atangin Urease Strip lei la, bawnghnute ah khan chiah la, a lo danglam chuan Synthetic milk a ni duh khawp mai.

Synthetic milk chu ei zawhah ka a kha deuh thei a. Kuta Zena han hmeh hian a nal bik bawk a. Tih satin a rawng hi var phat lovin a eng bik bawk.

Synthetic Milk chu -Bawnghnute atanga Butter an siamna bang kha paih lovin an säwngbawl thar leh a, detergent, urea, caustic soda, starch oil, glucose, shampoo, colour, hydrogen peroxide etc tih vel te an pawlh nuai a. A hlauhawm tih hriat tur.

Be the first to comment on "Hriat Zauna"

Leave a comment

Your email address will not be published.


*


error: Content is protected !!