Na Ih Ning Nih Khan Zei Ban Tuk Minung Na Si Ti A Langhter

Ih ti mi nih hin kan ngandam nak ca ah hrang tlai tuk in rian a tuan ve. Tha te in kan i hngilh lo le ka ih sia arem lo cun kan taksa, kan thinlung thlarau tiang in a zaw kho. Mitkuh thaw te le sia rem te in kan i hngilh lo cun zei thil poh kan tuah le kan tuan nak ah zang zun le uai hniang in kan um i, Irish Phungthluk bia pakhat nih a chim mi cu ” Tha te kan nih le, cim te i hngilh khawh hi thil zei poh a damter kho tu si tha pahnih an si ” tiah Ih ti mi nih hin 110% bak zang tlung le um sia rem nak an kan pek khawh i, kan taksa le thisen amah te in ai remh le a thawn nak ca ah tha te ih khawh hi a bia pi tuk mi asi. Kan thluak tiang nih hah dam te in kan ih le kan i hngilh can ah khin, i sersiam nak can a la ve ti si. A can te i kan i ih tik ah kan lung tem tu le an kan hnek tu kha an lo ve i,

Dalai Lama zawng nih, ” Ih hi tha te khuaruah khawh nak ca ah a tha bik mi asi. ” tiah a ti bang a chim mi fimnak bia hi a hman bak.

Ih a tleih chan tak tak mi pawl hi an thih hlan an nun chung can cheu thum i cheu khat hi ih nak ca ah an hman i, hi kong hi ruah nak men a si na in a hman nak a tam. Tam pi tu nih cun nikhat ah nazi 8 chung hrawng hi ih nak can a hmang mi kan si i, ho poh nih ih duhning le siarem ning kan ngei cio. Tam pi nih cun sirpaleng in kuai nawn ih kan duh i, a cheu cu zang thal in kan duh. Kan kut chiah ning zawng paw cung i a chia mi kan um i, a cheu sir lei i a chia mi kan um. Kan mah le duh ning cio kha a si ko.

Kan i hngilh khawh nak a si poh ah cun mah siarem ning phun phun khan ih khawh kha a tha mi si ko na in, Researchers hna le a hngal mi hna nih lam kip in an cawn i an hlet tik ah ih zau ning hi a tha mi phun tlawm pal te a um tiah an ti. cu cu kan zulh khawh kha kan ngandam nak ca ah a herh ngai.

Thil pakhat a fiang mi cu ni ih ning nih khan zeibantuk minung dah na si ti kha a langh ter ti si. Na ih ning kha kuai nawn in le na ke pahnih kha tawm (fetal position) in a it mi na si ah cun, mi hawlh tlawm, Lungthin a samh tuk lo mi le, khul rang in thil a hngal kho mi na si ti kha hngal. Hi hi Dr. Christ Idzikowski (Sleep Specialist) nih Survey a tuah nak cun 41% cu an si tak tak tiah a ti.

Hi hneksak behal nak nih hin na ih ning le hawih ning poh kha na ziaza langhter tu asi ti kha a langh ter i, a pin lei ih ning phun le zia za i kawmh ning kha hngalh na duh ah cun, link pawl hi click law hmanthlak na duh mi poh kha thim law a dang tam pi a um mi kawng kha rel tuah.

Be the first to comment on "Na Ih Ning Nih Khan Zei Ban Tuk Minung Na Si Ti A Langhter"

Leave a comment

Your email address will not be published.


*


error: Content is protected !!