Rang Taka Theihai Rah Tir Dan Thuruk

Kum 1 hmain I theihai rah lo ei ve ta che. Chu mai a nilo kum reitak chhûng a dampui dawn che a ni. I in compound chhûngah pawh i phun thei bawk.

Siam dan tur chu:

Plastic kutphah tiat vela lianah lei a khatin thun la, chuan theihai mu pakhatin phum rawh. Theihai mu tawh phawt chu a theih vek. Nikhat vawikhat tui i pe ang. Chuan, a rawn chawr ang. A rawn chawr atanga ni 45 hnuah chumi rawn chawr chu a zatve(half) aia chung/sang deuh hrat atang i tanbung ang. I tangbunna atang chiah khan a laiah zaiphel leh rawh. Inch 1 vela thukin.

Chutichuan, eng theihai ber nge rah atana i duh? I theihai duh ber puitling-lo rah thin tawh kha kutzung tang tiah vel inch 5 a sei va la la chuan, a hmawr suihzum rawh. Chumi i suihzumna lam chu i lo zaiphelnaah chuan inch 1 vela thukin hnawh lut la sarangin tuam vek rawh.

Ni 45 hnuah i tuamna sarang chu phelh leh rawh. Tichuan, i phun duhna hmun leiah i phun thei tawh. A khattawkin tui pe thin la kum 1 hmain a rawn rah ang.

Be the first to comment on "Rang Taka Theihai Rah Tir Dan Thuruk"

Leave a comment

Your email address will not be published.


*


error: Content is protected !!