Hritlang Damdawi Man Tlawm Leh Țha Em Em Chu

Hritlang hi a nasat chuan khua a sik a, hrawk leh awm bawr vel te hi a na a, aw(voice) a chhang a, hnap a tui a, a hrehawm thei hle a ni. Sik leh sa (season) inthlak lai bawr vel hian hriselna pan deuh tan phei chuan hritlan a awl hle bawk.

Hetiang khawpa hritlang natna hluar ta hi engtia enkawl nge țhaber ang tih kan mithiamte kan han zawt a. Zemabawk Hospital ah kan awm mek a, nurse te leh mithiam tak tak te kan han zawh chuan, Hritlang damdawi hi a awm hran lova, invendan pawh a awm hran chuang lo, chuvangin tui chhuanso(streaming) hmanga 15-minutes in ur hi a damdawi țhaber a ni an ti a.

Kei pawh chutiang chuan ka han ti ve chhin ta a.. Ka hritlang vanga ka hrawk chhung, chil lem zawnga na tlat țhin te chu a zia deuh huai mai. A țha viau dawn niin a lang.

A tihdan, Tunlaiah current hnanga tui chhuansona (cup rice cooker) a tam tawh a, khawtinah a awm vek tawhin a rinawm. Hetiang kan neihloh pawn tui chhuangso bawrh bawrh ila, chuan tuiso hu/khu chu kan ngam tawkin kan kâ leh hnarin kan hip vak vak anga, chumi chhung chuan pawn lam boruak vawt kan hip tel tur a nilo. Pawn lam boruak lo luh theihloh nan puanin phui țha takin kan lu leh kan tuiso dahna kha phui taka khuh pin tlat tur a ni.

Chuan 15 minute vel kan tih chuan kan duhtawk rih anga, chumi zawh ah kan inhrufai anga, khaw vawtah kan awm tawh tur a nilo. Kan inthuam lum ang. A theih chuan zan mut dawn apianga streaming hi tih tur a ni.

Source: Hritlang Blog

Be the first to comment on "Hritlang Damdawi Man Tlawm Leh Țha Em Em Chu"

Leave a comment

Your email address will not be published.


*


This site uses Akismet to reduce spam. Learn how your comment data is processed.