Saram Lung Thawhnak Sii A Din Sual I Sualtuah Duhnak A Sum Kho Tilo I Siizung A Phan

Mexico ram mi pa a thil ton cun tahlak nihchuah bak asi. Zangfah ding maw asi deuh nihchuah ding dek. Saram pawl an hmanh tik hna ah lungthawnnak ah an pek mi sii a ei sual i nithum chung a naupa (chiatha) cu a dai kho ti lo. A hnu bik ahcun siizung a phan beh.

Mipa nih a dinmi hi (Viagra) timi saram pawl lungthawnnak dingah an dinh tawn mi asi. Hi sii hi minung din awk caahcun a hmul (thazang) a pin tukmi asi. Mipa i a chiatha cu nithum chung a duai ti lo. Sii a ding ka ahcun a lung si ngai ko nain a hnuah cu a celh ve ti lo.

A takpum cu an lin dih i a lungtur a reng chin lengmang. A mah le mah a sining a zum ti lo i a pawngkam minung pawl bawmh a hal i siizung ah a rak phan. Asianin siizung a rak phak zongah mah bantuk pawl caah sii dang a um hlei lo. Siibawi te zong an awlok chong dih.

Mipa nih a chimmi cu hi sii ka ding hi kum 30 asi mi nu he sualtuah kan i timh caah asi i diram tein sual tuah ka duh caah asi tiah a chim. Siibawi te nih cun saram sii ding ruangah siizung a phan mi hi a mah lawng asi lo. Mah hlan zangah mitam pi an um cang. An ruah ningah saram sii hi minung ca zongah a tha lai tiah an rak i ruah i asi.

Saram sii ding mi minung 5 siizung an rak phan bal cang. Jazz music lei hlasa minthang pakhat cu saram sii a din ve i zarh khat chung a chiatha cu a duai ti lo. Hi pa zong hi thi dengmang in a rak um ve. Pa cheukhat cu an mah thazang piin thawn deuh an duh tikah saram sii hi an ding hna. Minung nih celh ding mi ri leng in a tam deuh in din sual ahcun tih ning tuk asi tiah siibawi te nihcun an chim.

Be the first to comment on "Saram Lung Thawhnak Sii A Din Sual I Sualtuah Duhnak A Sum Kho Tilo I Siizung A Phan"

Leave a comment

Your email address will not be published.


*


This site uses Akismet to reduce spam. Learn how your comment data is processed.