Kan Hnu Kum Thiha Tin Soe Nih A Ka Sualpi Tiin Phiasa A Rak Halmi Sinum Nu Kong Biachahnak An Tuah Cang Lai

Kam hnu kum lio ah Thiha Tin Soe te sinum nu nih Thiha Tin Soe nih a ka sual pi. Hi ruangah ka lungtlin ningin phaisa nan ka liamh a hau tiah a rak ti hna. Thiha Tin Soe te an sinum hi Khin Ma Myint asi i puaisa Daw Nyo nih a rak chiah mi asi. Sinum Khin Ma Myint hi Thingan-kyoune biachaih zungah lihchim pohmah 211 in taza rak cuaimi asi.

Sinum nu Khine Ma Myint lawng hi Tuh-wa-nah palik sakhan in palik bawi Than Naing nih lihchim pohmah 211 in taza a rak cuaimi asi. A launcia Dec thla lioah mah tazacuainak pohmah cu biacaihzung nih rak cohlan cang mi asi. Tuan i tazacuainak pohmah ning in pehzulh ding asi.

Mah leng ah Thiha Tin Soe nupi Zin Ma Oo zongnih sinum nu Khin Ma Myint le puaisa nu Daw Nyo cu pohmah 389 in taza a rak cuai hna. 2020 Jan 16 ah sinum nu cu biacaih zung ah chuahpi than asi i bia hlanak zong ngeih asi cang. Puaisa nu Daw Nyo zong pehzulh in bia hal asi. Daw Nyo nihcun Zin Ma Oo sinah tlerhkhawn i phaisa zeihmanh ka halmi a um lo. Upa pakhat ka si bangin an kar lakah a thatnak in ka thlak bia tu asi tiah a chim.

Hi case kongah Daw Nyo leiin minung 4 nih aamah-khan an chim piak i Daw Nyo cu baicaih zung nih aa-mah-khan in an chuah chung. Jan 30 khi zungah chuah tthan ding an si i puaisa Daw Nyo zong bia hal rih ding asi. Sinum Khin Ma Myint nih Thiha Tin Soe nih a ka sual pi tiin phaisa a rak hal hi 2018 July thla lio ah asi.

Khine Ma Myint nih phaisa a hal zong hi puaisa nu nih a rak forhmi asi. Mah ti tuah ding zong hi puaisa nu nih thluak a cheuh mi asi tiin rak theih asi. 2018 lio i video zong zoh khawh asi.

Be the first to comment on "Kan Hnu Kum Thiha Tin Soe Nih A Ka Sualpi Tiin Phiasa A Rak Halmi Sinum Nu Kong Biachahnak An Tuah Cang Lai"

Leave a comment

Your email address will not be published.


*


This site uses Akismet to reduce spam. Learn how your comment data is processed.