Mi Thil Suk In A Fale Minung 4 A Cawmkengtu Hna Hringtu Nu Inn Man Pek Ding A Harsa

A pasal he an i tthen hnuah a fale minung 4 cu hringtu nu pakhat nih mi thil suk chom in le harsa taktak in a cawmken hna i sianginn a kai ter rih hna. Hi hna nufarual hi Mandalay khua ah khua a sa mi an si hna.

Mandalay khua an umnak inn cu an hlan chommi inn asi i inn hlan man ahhin thla khat kyat 50000 tiin le ti man, mei man ah kyat 15000 tiin a zapi thla khat kyat 65000 khi pek peng ding asi tawn.

An eidin man hi a chuah pi khawh chel, chuahpi khawhlo chel asi tawn i a caan caan ahcun a fale pahnih hi midang inn ah a va chiah tawn hna. Inn man hi thla tin te a rak pek khawhlo ruangah atu ahcun thla 6 ca inn man leiba a ngei cang.

Inn ngeitu hna nih tu thla hrimhrim ah inn man na kan pek lai tiin thla 6 ca inn man kyat 390000 cu an rak cawh ve cang hna. Cubantuk na kan pek khawhlo cun inn in chuak cang uh tiah inn ngeitu hna nih tthawl an timh cang hna.

Bochan awk a ngeilo mi hringtu an nu cu vansang au in a um i a fale tete lamkam i um tthut pi hna lai ding cu a ruat kho hin ve lo. Tuah awk hnga ti loin hringtu an nu nihcun Mandalay khuami mi bawmchan tawn tu Ko Saing sinah bawmh a va hal.

Ko Saing nih nufarual hna an konglam hi a facebook a rak ttial i bawmhnak a chuah paohpaoh ahcun inn man pek piak colh an si lai tiah a rak ttial chih. Cu pinah bawmhchanh a duh mi hna caah tiah amah pehtlaihnak phone 09765765179 zong a rak ttial chih rih.

Be the first to comment on "Mi Thil Suk In A Fale Minung 4 A Cawmkengtu Hna Hringtu Nu Inn Man Pek Ding A Harsa"

Leave a comment

Your email address will not be published.


*


This site uses Akismet to reduce spam. Learn how your comment data is processed.