Hriat I Duh Chuan Lo Chhiar Ngei Ngei Rawh

I ngaihsak loh em em lai khan a rawn biache anga, a chapona dahtha hmak khawpin a ngaihtuah em em che a nga, a tlawm vang a nilo,a hmangaih em che a ni.

A duhzawng anga i awm theihloh/duhlohlai khan a en liam mai che ah ngai lo hram rawh. I hmuhloh lai khan a biangah mittui aluang a, a thin a rûm vawng vawng asin. I hriat loh lai khan a hmangaih em avangin i tan rum sawi hleih theihlohin a tawngtaipui thin che.

Midang chanchin i sawiin pangngai taka awmin a sawipui thin che em? I nuih huna a nuihpui che avang mai khan a rilru a na lo amaw ti suh. I hlimna kha a hlimnaaiin angai pawimawh zawk a, i hmangaih phut let ngamlo khawpin a hmangaih che tihna zawk a ni.

Engkimah i thuawihin a ring mah mah che i ti maw? I tan tawp chin neilo khawpina ring che tihna zawk a ni. A hlauthawng hma ching cheng i ti em? Ni e, a hlauthawng hma reng ang chu;a hmangaih lutuk che avangin chan che a hlau em a tin ni.

A hmangaih che a nih chuan thil thalo i tih khan tihpui che chu sawiloh a thinrim ziah ang, mahse i tana tha tur a duh vang ani. A chang chuan thil thalo i tih khan a ngawi reng em? Thinrim theilo khawpin a na pawh a ni maithei asin.

Midang bulah a chhuang viau ang che, awmlo i tih thleng thlengin. Inthen thuhlaah pawi a ti lo angin i hria em? Nangmah khan inthen i duh angah a ngaih vang a ni maithei. A telloin i hlim zawk dawn a nih phawt chuan hreh takin mittui nen a thlah ang che. Engvang maw? A hmangaih miau che alawm.

Hmeichhia in a hmangaih tak tak che anih chuan vawi tam tak a thinlung hliamai tihnat hnuah pawh i kut vuanin i tan a awm reng ang. Mipate u, hetiang ang hmeichhia hi in tawng anih chuan ngaiah neih mai loin a hmangaihna zahsak ang che.

Be the first to comment on "Hriat I Duh Chuan Lo Chhiar Ngei Ngei Rawh"

Leave a comment

Your email address will not be published.


*


This site uses Akismet to reduce spam. Learn how your comment data is processed.

%d bloggers like this: