Game Ringawt A Buaipui Avangin A Nunna A Chan Phah

Thil engkim ah hian chintawk hriat a pawimawh a ni. He Philippines tlangval Michael Tumagan pawh Mobile Legend Game chu chintawk hre lo khawpa a khelh lutuk avang hian natna hrehawmtak tuar in a nunna hial a chan phah ta a ni.

Game a khel hma chuan he tlangval hi hrisel tha tak leh model ang maia smart leh hmeltha tak a lo ni tawh thina mahse mut hun leh chaw ei hun pawh hre tawh lo khawpa game a buaipui vang hian game hian a hriselna pawh a khawih chhe tan a. Mahse inngaihsak lovin game chu a buaipui chhunzawm char char a, a tawp ah chuan a rilpui cancer in hun rei lo te chhungah a cancer chu stage 4 hial a lo ni hman.


Chumi hun ah chuan thlalaka kan hmuh ang hian a ruh ringawt a tang tawh a, a in chhir hle a ni. Mahse a in chhirna hian awm zia a nei tawh ta lo. Cancer cell chu a taksa hmun tam takah a darh vek tawha operation chi a ni tawh lo. Tichuan in chhir em em leh hreh chung chung chuan June ni 4 khan a boral ta a ni.

Chu avangin engkim kan tih reng reng hian chintawk hriat hi a pawimawh hle a ni.


Be the first to comment on "Game Ringawt A Buaipui Avangin A Nunna A Chan Phah"

Leave a comment

Your email address will not be published.


*


error: Content is protected !!