A Nupuiin A Hnute A Tih Len Duh Loh Vangin A Pasal Thinrimin A Fate Pahnih Nen Ti Hlum

Kan khawvel tak hi chu aw” chan tawka lungawih lohna ram a ni si a. Fa pahnih an nei tawha a nupui hi nula ang taka hnute lian leh nalh nei se a duh a ni. Kum 34 mi, Peng Hui-i hian an pa tih lawm nan vawikhat a hnute a tilian tawh a. Mahse an pa chu ala lungawi tawk loh avangin tilian leh turin a ti a. A nawr nasat em vang chuan atawpah chuan Peng chuan inthen a duh ta zawk a.

Tichuan, an pa, Wu Meng-yu, chuan kan sawi fel dawn nia tiin an nu chu a fate pahnih nen chawhlui kilpuiah a sawm a. An chawhlui kilna receipt pawh motor chhungah an hmu tel nghe nghe. Wu Meng-yu chuan an nu, Peng Hui-i, in a hnute a tihlen duh loh vangin a fate pahnih nen tûrin a hraia, an nu chu motor seat hma lamah a kut phuar paha hmuh a ni a, a fate pahnih hi seat hnung lamah thia hmuh an ni bawk.

A fa upa zawk kum 9 mi a ni a, a naupang zawk hi kum 6 chauha upa a ni. Wu Meng-yu hian chhungkaw suihkhawm that leh ahnekin eiturah tûr a pawlha, a that ta veka, chuan amah a inthat zui ve leh nghal ni a rin a ni. Peng leh a fate pahnih an hmuh hnuhnun berna chu Wu Meng-yu hmu tura scooty-a an an chuang lai hi a ni a.

Peng unau nu chuan an ni pahnih hi nikum November thla khan an inthen tawha, mahse inthenna lehkha erawh an tifel lo. An inthen chhan ber chu a hnute tilian leh tura a nawr nasat lutuk vang a ni a ti. Vawikhat surgery a nei tawh.

Vawihnih tihnawn chu a duh tawh loh vangin an nupa inkarah inremlohna alo chhuaka, nasa takin an inhauh phaha, atawpah chuan an inthen phah ta a ni.

Be the first to comment on "A Nupuiin A Hnute A Tih Len Duh Loh Vangin A Pasal Thinrimin A Fate Pahnih Nen Ti Hlum"

Leave a comment

Your email address will not be published.


*


error: Content is protected !!