A Pianna Nu Leh Pa An Ințhena A Nu Tlansanin Chhan Neiin A Pa Bula Awm A Thlang Tlat Mai

Hringtu pa hian khawpuiah ka kal ang a, tichuan kan fapa nen ka rawn chawm ang che u tiin an nu a hrilh a. An nu pawh chuan khawpuia kal chu rem alo tihpui a. An pa a awm loh takah chuan a lung a leng a, a ngai thei em em a. A lo haw hun tur a nghak reng țhin a. A tirah chuan an pa chuan pawisa a thawna a phone reng țhin bawk a.

Mahse, an inhmuh lohna alo rei deuh takah chuan a phone ngai ta lo a, an nu chu a theihngilh țan der tawh a. A phone ngai ta miah lo chu an nu chu a ngaih a țha lo hle a. Biak pawh theih a tuma mahse biak theihna tur engmah a hre lo. Atawpah chuan an nu chuan bazaar ah thei chi hrang hrang zuarin an fapa a chawm a ngai ta a. Zing var rual ațang zan tlai tak tak tleng thawk țhin mahse, a ni khat lak luh chu an ei khawm țawk țawk chauh a ni a.

Tichuan, kum 3 hnuah chuan an pa chu an în kawtah car man to tak nen a rawn inlan hlawl mai a. A lan dan chuan a hausak hmel tawh hle a. An țhenawm te chuan an nu chu rethei takin a awm a ngai tawh lo ang chu tiin an lo ngaihtuah a. Mahse, chumi zan chuan an pa chuan, ka hmangaih tawh lo chea ințhen tura rawn let ka ni, tiin an nu chu ințhen a duh thu a hrilh a. Khawpuia a hna thawhnaah tleirawl nula pakhat nen an lo inngaizawng reng hi alo ni a. Hriatthiam har a ti a.

An pa thu sawi chu awih har a ti hle a. Ințhen i duh a maw, tiin hamhaih deuh chung chuan a zawt let ve leh a. An pa chuan, zanin ah kan ințhen ang. Ka hmangaih tawh lo che, tiin rum takin a chang a. An nu chuan, chuti anih chuan kan fapa teh hi engtinnge ni ang, tiin a zawt leh a. A duh duhna lamah awm rawh se tiin awlsam takin a chang mai a. An nu chuan a pa tel lova harsa taka a lo enkawl țhin avang chuan an fapa chuan a thlan ngei a ringa nirawhse a ti ve mai a.

An ințhenna tifel turin court ah an kal a. Judge te chuan an fapa chu tu hnenah nge i awm duh tiin an zawt a. Ani chuan a pa tel loa lo enkawl seiliantu a nu chu thlang loin a pa bula awm a thlang ta zawk a. Judge te chuan a thutlukna chu mak an ti hle a. A nu pawh chu a fapa thutlukna vang chuan a rilru a na hle a. Bawiha, engvangnge ka bula awm i duh loh a? Ka tiam a che, tun ațang chuan i duh duh ka lei sak tawh ang che, tiin a thlem a.

Mahse, a fapa chuan ka duh lo tiin a chang a. A nu chu mipui karah chuan a țap nasa hle a. Intihhlum mai a duha mahse engtik niah emaw chuan ka fapa hi ka hnenah alo let leh ngei ngei ang tiin beiseina a insiam a. An kal hma chuan a fapa chu ei tur leh toy a lei sak a.

Bazaar ah chuan harsa takin a hna ngai chu a thawk leh lawm lawm a. A fapa hmuh tumin khawpui lam pana kal a tum țhina mahse khawpuiah chuan awlsam taka zawn hmuh mai theih a ni dawn silo va. Bus station atang a let san leha a hmu thei ang em tih pawh a hrechiang silo va. Rethei leh khawhar taka a nun a hman lai chuan, ni khat chu a mail ah $1000 a dawng hlauh mai a. A thawntu chuan, I love you, tih a ziak tel bawk a. Mahse, pawisa chu a hmang ngam lo va.

Thla thar alo ni a, a ngai ang bawkin $1000 a mail ah a dawng leh a. Ka rethei em a, min petu hian min duhsaka ka hman atan mi pe a ni ngei ang a ti a. Pawisa chu a la a. A mamawh phuhhruk nan a hmang ta a. Hun alo kal zel a. Ni khat chu beisei loh deuh maiin lehkha thawn a dawng hlauh mai a. “Ka nu duh tak, i dam țha em? Min hmangaih tih ka hria a.

Chuan, ka kalsan che avang khan i tuar viau ang. Nu, ka ngai lutuk che. Ka hmangaih che. Ka pa bula awm ka thlan chhan kha ka puih duh vang che a ni tih i hriat ka duh. Ka pa’n pawisa min pe reng a, rethei lutuka ilo awm loh nan ka rawn thawn țhin che anih kha. Lo inenkawl țha la. Kei chu min lo ngaihtuah suh. Ka puitlin ve hunah chuan i bulah ka rawn let leh ngei ngei ang. Chuan, keiman ka enkawl ang che. Ka nu i nu a, engtikah mah ka kalsan lo ang che. Bye!”

A fapa lehkha thawn a chhiar zawh chuan a insum zo lo, a tap nasa a. A fapa aw a hre thei chu a hlim em em bawk a. A fapa in a tana thil țha a rawn tih sak țhin chuan a nun a thlamuan em em a ni.

Be the first to comment on "A Pianna Nu Leh Pa An Ințhena A Nu Tlansanin Chhan Neiin A Pa Bula Awm A Thlang Tlat Mai"

Leave a comment

Your email address will not be published.


*


error: Content is protected !!