A Duh Cukmak Mi Nungak Le Tlangval A Thatu Pa Cu

Wu-za-nah inn floor ah minung pahnih a thattu pa cu mithat lainawn mi (case) pahnih in biachaih zungah chauh pi asi cang. Myait myo, Tanyat khua ah an rak tlaihmi minung pahnih a thattu pa cu baichaih zung ah chuahpi asi cang i case pahnih i tazacaui asi lai tiah theih asi.

Thil siningah hi pa nih hin Yangon, Yu za nah inn floor ah nungak le tlangval a duh mi hna he pumpak bia aal nak a um caah an pahnih in a rak that hna. Mah ti mi a rak that hi 2019, March 5 ah asi i a that khawh hna hnuin Myait myo, Tanyat khua lei ah a rak zaam. Inn floor lei in palik sinah report an rak tuah i palik nih record an lak ningah that a tongmi pa hi Hein Min Aung (kum 27) le nu hi Myint Myint Win (kum 23) an si.

Hi kong he pehtlai in palik nih (pah)418/2019 pohmah 302 in case an rak awn colh i mithatu cu rak kawl asi. Mi thattu pa hi a va zaamnak khua Tanyat khua ahcun keimah hi mithat ka si i ka zawn khau ah hin a rak zaam mi ka si tiin a thumhnak inn ngeitu le khau upa te hmai ah a sual a phaun. Mah tikah upa pawl nih a tthatnak in an rak chimh/cawn paik i a mah tein palik sianah 2019 March 7 ah a rak i ap. A min cu Htet Shine @ Phoe Htet asi.

2020 Feb 13 ah case pahnih he baichiah zungah rak chuah pi asi. Htet Shine nihcun bai kan i aal caah nam in ka sawh mi hna asi tiah ati ko nain mithmu tu tehte chauh pi mi an um lo caah ni dang ah biacaih zung chauh pi tthan ding i an rak ti tthan.

Be the first to comment on "A Duh Cukmak Mi Nungak Le Tlangval A Thatu Pa Cu"

Leave a comment

Your email address will not be published.


*


This site uses Akismet to reduce spam. Learn how your comment data is processed.