A Nu Nih China Ram A Kal Takmi Le A Pa Nih Khual A Tlawn Tak Lengmang Mi Kum 16 Ngakchia Pa A Chungkhar Hna Inn Ah Hri Aa Awk That

Shan ramkulh Kyaukme peng Pankum khuami kum 16 minung ngakchia pate cu nihin June 28 zinglei 8am hrawng ahkhan a umnak a chungkhat hna inn ah hri awk in mah le mah a nunnak aa la tiah theih asi.

Pankum khuabawi U Lwin Ko Oo nih “hri in aa awk thatmi ngakchia pa hi nu le pa khua ummi an si lo. Hringtu a nu hi China ram ah hlawhfa ding in a kal. A pa zong hi inn a hlum ve lo i khua khat hnu khua khat kal in mi seh a rawk mi kip a remh piak hna. Ngakchia pa hi a lung rawk tuk seh law a dawh. Nulepa nih an um pi lo ruangah lung tha der in a um ruang zong ah asi kho” tiah a chim.

Hri aa awkmi pate hi hringtu a pa u pa fanu he an rak i duh i a pu nih chungkhat an si ruangah chungkhat cu i duh phung asi lo tiah a rak chimh cawnpiak hnuin hri in a rak i awk that beh hi asi.

U Lwin Ko Oo nih “a pa lei a pu pa nih kum tlin hlan in nungak na ngei tiah a sikcak. Pa te hi a pa u fanu cia he an rak i duh. A pa u pa tu hi cu a nunnak a liam cang. Hri aa awkmi pate a nungak nu a nu le hri aa awkmi pa a nu hi China ram ah hlawhfa dingin an kal tti” tiah SPM thawngla hna sinah a chim.

Hibantuk hri aa awknak zong hi a pa u pa inn chung cia ahcun asi tiah theih asi. Source:SPM

Be the first to comment on "A Nu Nih China Ram A Kal Takmi Le A Pa Nih Khual A Tlawn Tak Lengmang Mi Kum 16 Ngakchia Pa A Chungkhar Hna Inn Ah Hri Aa Awk That"

Leave a comment

Your email address will not be published.


*


This site uses Akismet to reduce spam. Learn how your comment data is processed.