A Pasal Rithaisi Hman Ruangah Khua In Tthawl A Tongmi Chungkhar Hna Nu Bik Kha Hringtu Nu Le Pa Zong Nih An Rak Cohlang Duhlo

A liamcia thla hnih hrawng ahkhan Nan Aye te chungkhar hi a pasal rithaisi a hmang ti ruangah an khua Shan ramkulh Khutinh khuate in rak tthawl an rak tong. Anmah hi chungkhar minung 4 khuasa an si i umnak an ngeihlo ruangah khua leng lo pakhat ah bawk tuam in khua an rak sa.

Nan Aye hi China ram rian a rak ttuannak ah accident a rak tong bal i liamh a rak ton lo pin ah i thlopbul loin Myanmar ram lei ah a rak kir. Ihphah umlo lo thlam bawk i a rak ih lengmang ruangah Nan Aye cu a le a rak phiat beh. A lephiat cangmi Nan Aye hi hringtu a nu le a pa nih an rak cohlang duh ve ti lo ruangah keng puak in lo pakhat ah bawk tuam in khua a rak sak pimi asi nak kong cu a pasal nih a rak chim ve.

Hiti an umnak hi Namh Khon chiatthat phu cuka lei an va phanh hnuin an theih hnu i Namh Khon chiatthat zohkhenhnak phu nihcun an rak zuan hnawh colh hna. Namh Khon chiatthat zohlhenhnak phu nihcum a lephiat cangmi Nan Aye cu sizung ah an rak kalpi. Sizung nih an damh khawh tilo caah a cawlcangh khawh lo bu cun inn ah an rak ttin pi tthan.

Eidin harsat tuk ruangah khuami lo chung fungvei tibantuk an va baoh ve tawn caah khuami nih cu nak hlat deuh tthial ter an rak timh hna. Asinain Namh Khon chiatthat zohkhenhnak phu nih khuami an nawlphiar piak hna i khua leng ah hmun pakhat an pek tthan hna. Cuka hmun ahcun inn chiate pakhat zong an sak piak beh hna.

A pasal hi Kachin ramkulh Myitgyina khuami a rak si i Kachin ram lei kal pi a rak timh ko nain umkal nak tangka an rak ngeilo. An fale pahnih hna tu cu Mandalay khua ngaktah cawmkennak sianginn pakhat ah an chiah cang hna. A pasal nih a tho kho tilo mi a nupi cu a zohkhenh pahin an pawcawmnak cu a kawl hawl. Cu pinah a hlan tawn a hmanmi rithaisi zong a hman tilo nak kong a pasal nihcun a rak chim chih rih. Source:SPM

Be the first to comment on "A Pasal Rithaisi Hman Ruangah Khua In Tthawl A Tongmi Chungkhar Hna Nu Bik Kha Hringtu Nu Le Pa Zong Nih An Rak Cohlang Duhlo"

Leave a comment

Your email address will not be published.


*


This site uses Akismet to reduce spam. Learn how your comment data is processed.