An Nung Ko Rih Timi An Fale Nih An Theih Tilo Mi Tar Nupa Hna Bawk Chia Te I Tuam In Khua An Sa

Philiipines ram Aklan pengkulh Kalibo peng Linabuan Norte ah bawk chiate i tuam in khua a sa mi tar nupa hna konglam cu youtube chung an video thlah asi hnuin mi tampi nih an konglam caih tuk cio hna.

Energy FM Kalibo radio station in Archie Hilario timi pa nih hi tar hna nupa hi a va lenkai hna i an konglam a va hal hna. Cuti a va lenkai nak hna ahcun an umnak thlam cu a chiat tuk pinah a hmet tuk rih caah minung 2 zeitindah an um khawh tiah a khuaruah a har.

Hi hna nupa nihhin fa 4 an rak ngeih hna nain minung 1 a nunnak a rak liam. A taangmi minung 3 chung ah minung 1 nih khuamaw caan ah a bawmhchanh tawn hna nain adang minung 2 tu hi cu khoika an um an thei ti hna lo.

A rak bawmchan tawntu hna an fapa hi nupi fate a ngei ve cang i rian a ttuannak boss te pekmi inn khuasa asi caah hringtu a nu le a pa cu a sin ah aa um pi kho hna lo. Chungkhar a zoh pah ve mi asi caah a nu le a pa cu caan hman tein tangka a pe kho hnalo i cubantuk caan ahcun an nupa eidin lo tein khua an sa tawn.

An fanu le pahnih tu cu khoika an um theih ti loin an tlau tak hna nain an cakuat te tal dong uh sih law kan i lawm tuk hnga tiah an nupa in an chim. Tangka an ngeilo nain an fanu le tangka hal an i timh hnalo nak kong le an cakuat sawhsawh te a zat ko nak kong zong kha hringtu an nu nihcun a chim chih rih.

An fale nih an thei ti hnalo nain anmah tu nihcun an fale te cu an hlam peng ko rih hna. An fale cung an thinhun lo nak le a ngaih tu in an ngaih hna nak kong kha hringtu an nu nihcun a rak chim chih rih. Source:EnergyFMKalibo

Be the first to comment on "An Nung Ko Rih Timi An Fale Nih An Theih Tilo Mi Tar Nupa Hna Bawk Chia Te I Tuam In Khua An Sa"

Leave a comment

Your email address will not be published.


*


This site uses Akismet to reduce spam. Learn how your comment data is processed.