Covid-19 Natna Atanga Thachhuak Leh Ta Naupangtê Chu Amah Enkawltu Nurse Hmaah Kunin A Lawmzia A Lantir

Naupangtê pakhat chu Covid-19 natna atanga a thatchhuah hnuin a lawmzia lantir nan nurse hmaa kunin zahna chibai a buk lai thlalak chu media lamah hmuh a ni.

China ram Shaoxing, Zhejiang province a khawsa mipa naupangtê kum 2 lek a upa chu Coronavirus natna a kai tih hriat niin a thlalak lungchhiatthlak tak mai chu mi tam takin an lainat hle a a ni. He naupangtê hi Nurse pakhat, Cao Lingling enkawlna hnuaiah awmin a dam tha zan tawh tih an hriat chian hnu chuan amah enkawltu nurse tan thil pakhat a ti ve ta a ni.

Damdawi in pawnah naupangtê chu Nurse Cao Lingling chuan zui chhuakin amah enkawltu nurse zahawm tak chu a lawmzia lantir nan a hmaah a kuna, zahna lantirin a lawmzia a tilang tih an sawi. He nurse pawh hian lo chhang let ve nghalin naupang hmaah kun vein a tihdan angin a ti ve bawk.

He an thlalak duhawm zet mai leh inzah tawnna taka an khawsak lai thlalak hi online lamah share niin mi tam takin Nurse Cao thawhrimna ropui an tihzia an tarlang a ni. Naupangte hian an rilrua thil awmte hi mawlmang takin an lantir mai thina mahse, thinlung a khawihdan a dang em em thung a ni.

He naupangtê Covid-19 natna atanga thachhuak leh ta leh Nurse ropui tak chanchin hian a lantir ber chu engtitluka hun hreawm leh thim karah pawh beiseina eng a lo lang leh thin tih hi a ni.

Tual chhung mite chu he thil thleng hian hmana thil thleng tihrechhuakin naupangtê pakhat chu Dr. David Duncan, Hangzhou Guangji damdawi in a round kual laiin naupang pakhat chu a hmaah kunin zahna a lo lantir tawh tih an sawi.

Be the first to comment on "Covid-19 Natna Atanga Thachhuak Leh Ta Naupangtê Chu Amah Enkawltu Nurse Hmaah Kunin A Lawmzia A Lantir"

Leave a comment

Your email address will not be published.


*


This site uses Akismet to reduce spam. Learn how your comment data is processed.