Covid Rai Caan Chungah Cozah Pekmi Bawmhnak A Zal Chungah A Sanhmi Khua Bawi Cu Thir Cikcin He An Hruai Cang

Ram pi cozah nih punghman in phaisa lut a ngeilo mi pawl bawmhnak a pekmi phaisa chung in ting 50 leng ningcang loin a tuahtu Hmyongmyat myonay, Kanbehlay khua upa cu Hmyongmyat palik nih an rak tlaih cang.

Kanbehlay ohsuh ah inn 273 cu innkhat 20000 cio in bawmhnak pek asi phaisa ting 54 le thong 60 khua upa U Tin Maung Win nih khuami pawl pek loin a mah pumpak miaknak caah a hman.

A pahnihnak khua upa asi mi U Myo Khine nih report a tuah i U Tin Maung Win nih sual a tuah mi cu a lang dih. U Tin Maung Win cu hlathlainak an tuah tikah a kut cungah phaisa tong 30 lawng a tang i ting 49 cu cinthalk nak lei ah an hmanmi nawn a rak cawknak dih cang.

U Tin Maung Win cu Hmyonhmyah palik sakhan ah pohmah 409 in a-hmuh awn piak asi. Hmyongmyah myonay chungah ohsuh tete in ohsuh 114 aum. Ohsuh zapi chungin inn lu 29351 asi. Innkhat caah bawmhnak an pek i hi 20000 cio asi i a zapi in 587,020,000 asi.

Ayeyawaddy ramkulh chungah cozah pekmi bawmhnak ningcang loin a tuahtu dan an tatmi ah a tu hi a hmasa bik asi.

Be the first to comment on "Covid Rai Caan Chungah Cozah Pekmi Bawmhnak A Zal Chungah A Sanhmi Khua Bawi Cu Thir Cikcin He An Hruai Cang"

Leave a comment

Your email address will not be published.


*


This site uses Akismet to reduce spam. Learn how your comment data is processed.