Ei Awk Ngeilo Harsa In Khoika Kan Jal Lai Tiah Chim A Pitmi Chungkhar Malaysia Palik Nih An Bawmh Hna

Covid-19 mizaw an karh tuk ruangah ram pumpi lockdown asi mi Malaysia ram cu ramchung mipi cheukhat harsatnak an hung tong thluahmah ve cang. Minung hi kan fawi lio caan siloin kan har lio caan tu ah a kan daw tu taktak le a kan runvengtu taktak hi an chuaklang tawn hna ti cu zapi kan theih ciomi thil asi.

A naite ahkhan Malaysia ram Johor khua palik nih eidin ah van a sang tukmi chungkhar nupa farual pathum hna cu bawmhchanhnak an pek hna. Thil sining ah Malaysia ram Johor Bahru khua Taman Tampoi Indah pawng hrawng ah mipi chawkvak control dingin palik pahnih cu an i chawk.

Cu lio ahcun lentecelhnak chumtual i a tthu ko mi nupa farual pathum hna cu an va hmuh hna. An rian bang in atulio mipi chawhleh le lengchuah rihlo asi nak kong cu an chimh hna. Cu ruangah cuka hmun cun kal dingin an fial hna. Cuti an hun fial hna ahcun a fate ca a thinlung fah a celhlo mi hringtu nu cu i sum kholo khin a hung ttap.

Nu bik nihcun tangka an ngeihtilo nak kong eidin an ngeih tilo nak long le cini le milo men an fate an pek nak kong palik pahnih cu a chimh hna. Hi hringtu nu hi inn phiah rian a rak ttuanmi asi nain Lockdown ruangah rian a ttuan kho ve tilo. An pa zong hi Singpaore ram rian a rak ttuanmi asi i working permit a ngeihlo caah rian a ttuan ve tilo mi a rak si.

Palik pahnih nihcun an zoh sawh khawh hna lo caah an pawngkam dawr ah an kal pi hna i ngakchia cawhnuk le formula an cawk piak hna. An fate hi kum 1 le thla 4 minung asi tiah theih asi. Cu lawng siloin chungkhar hna eidin zong palik pahnih nichun an cawk piak len rih hna. Hi hna chungkhar hi Malaysia ram Johor Bahru khua Taman Tampoi Indah ah inn hlan in khua asa mi an si tiah theih asi. Source:PDRMJohor

Be the first to comment on "Ei Awk Ngeilo Harsa In Khoika Kan Jal Lai Tiah Chim A Pitmi Chungkhar Malaysia Palik Nih An Bawmh Hna"

Leave a comment

Your email address will not be published.


*


This site uses Akismet to reduce spam. Learn how your comment data is processed.