Ei Tur Neilo Leh Kalna Tur Ber Pawh Hrelo Chhungkaw Pakhat Chu Police-ten An Tanpui

Covid-19 natna darh mek avangin Malaysia ramah pawh a rampumah Lockdown puan a nia, ramchhung mipui thenkhatte chu ei leh barah an harsa tan hle tih hriat a ni. Mihringte kan inhmangaihna tak tak chu kan mamawh lai tak hian a lang chhuak thin tih kan hretheuh awm e.

Hmanni mai khan Malaysia ram, Johor Bahru khuaah ei tur neilo chhungkaw khawngaihthlak tak mai member 3 awmna chu Malaysia ram police-ten puihna an pe a ni. Thil awmdan an sawi danin Malaysia ram Johor Bahru khuaa Taman Tampoi Indah bulah police 2 te chu mipuiten lockdown an zawm tha em tih enfiah turin an vak kual tih an sawi.

Hetihlai hian tual zawl naupang infiamna hmuna chhungkaw pakhat lo thu reng chu an va hmu ta a ni. Police-te chuan an hna anih angin helai hmunah awm lo turin an hrilha kal bo turin an ti ta a ni. Tianga awmna tak ngial pawh nei lova an han awm ta chu nuber chu a rilru na tuar loin a tap zawih zawih mai tih an sawi.

Nu ber chuan an pawisa neih chhun pawh an hman zawh tawh thu leh ei leh in tur neilova an awm thu chu police-te hnenah a sawi chhuak ta a ni. An fate pawh chini bak engmah pek tur an nei lo tih a sawia lockdown avang chuan hna an thawk thei tawh si lova tiang hian an awm phah tih an sawi. Nu ber hi sweeper hna thawk lai niin pa ber pawh work permit a neih tawh loh avangin an dinhmun chu a harsa hle a ni.

Police 2 chuan he chhungkaw lainatawm tak mai hi an kalsan thei ngang lova dawrah hruaiin ei leh in tur an leisak bakah an fanu naupangtĂȘ tan milk leh formula an leisak bawk. Hemite chhungkua hi Johor Bahru hmunah hian in luah hawha khawsa an ni nghe nghe.

Be the first to comment on "Ei Tur Neilo Leh Kalna Tur Ber Pawh Hrelo Chhungkaw Pakhat Chu Police-ten An Tanpui"

Leave a comment

Your email address will not be published.


*


This site uses Akismet to reduce spam. Learn how your comment data is processed.