Eihmuar Thawng Taktak Mi Vuanci Hlun Thongthlak Dingin Biachahnak An Tuah Piak Cang

Eihmuarnak in tazacuai a huah mi Tanintharyi vuanci hlun Dr. Leh Leh Maw cu thongthlak ding in biachahnak an tuah piak cang. A-hmuh phun 3 ah kum 10 cio thongthlak ding in biachahnak tuah asi.

Lam remnak ah budget a zapi in direct in a chuah piak i innhmun khulhnak ah a hman mi, vanlawng tual thianhnak ah a hman mi le GGS vawlei chuak gas pawl kong kau ah an si. GGS gas kong ah a pehtlaimi minung 2 zong kum 10 veve thonhthlak ding in biachahnak an tuah paik hna. A palinak a-hmuh kong zongah biachahnak peh chap rih ding asi.

A pakhatnak a-hmuh ah Leh Leh Maw nih lamremhnak ah 2 billion deng asi mi cu direct in a chiah piak hna. Mah hnu ah a pasal min in an cawk mi innhmun cu tlakrawh in hruang a kulhter hna. Mah hmun cu Hta-wai myo a bia pibiknak hmun siizung lam zawn i hmun asi. 1/2019 in a hmuh awn mi asi. Tehhte minung 22 an chuah pi hna.

Mah inn hmun kulhnak ah Leh Leh Maw nihcun a leng i engineer pawl ka hlan hna tiah a chim. Innhmun kulhnak le thilri man ah a dih mi ting 140 cu taza an cuai hnu lawng ah a liam tiin engineer Daw Mih Mih San nih biacaih zung ah a chim.

Pahnihnak vanlawng tual remhnak kong. 2016-17 ah budget a hlei mi ting 4000 cu Htawai myo vanlawng tual remhnak, hauhruang kulhnak le a hlun cang mi inn remhnak ah a hman. Cozah hna tlaknak ngeih hnuah tuah mi asi tiah Leh Leh Maw nihcun a chim nain a tuah taktak mi ah vanlawng tual pawngkam a thianh mi lawng asi. A dang zeihmanh a tuah mi aum lo. Hi kong ah tehte minung 20 an chuah pi hna. A tu i vuanci asi mi Myint Maung zong tehte ah a tel ve.

A pathumnak GGS gas kong. GGS company nih gas le electric a zuarmi man cozah sinah a pek ding phaisa kong asi. Htawai ah GGS company nih gas le electric kongah cozah sinah hna tlaknak an rak ngeih. Asinan cozah he hnatlak tinak min an thuah hlan thla 3 a rak i duh ah hnatlaknak an rak ngeimi minthut a rak um cang. Mah kong ah tehte minung 27 chuah pi an si.

A palinak cu Leh Leh Maw chungkhar nih an ngeihmi hmun cu ting 2000 in GGS company nih an cawk i construction caah an hman mi kong asi. MICT

Be the first to comment on "Eihmuar Thawng Taktak Mi Vuanci Hlun Thongthlak Dingin Biachahnak An Tuah Piak Cang"

Leave a comment

Your email address will not be published.


*


This site uses Akismet to reduce spam. Learn how your comment data is processed.