Fanu Fapa 5 A Ngeimi Nutung Nu Pakhat Sivai Din In Amah Le Amah A Nunnak Aa La

Kachin ramkulh Bamaw peng Tein Thaw khuate ah hramh thahnak sivai a dingmi nutung pakhat cu a caan tanh in sizung kalpi manh asinain sivai a dinmi a tam deuh caah sizung ah a nunnak a liam tiah khuami pakhat nih a chim.

Hi nu nih hramh thahnak sivai a din hi May 22 ahkhan asi i Tein Thaw khuate ah Lanpyakye chiatthat zohkhenhnak phu nih an motor in an va laak. Chiatthat zohkhenhnak phu nih Sinhkin donhhlei tiang an va chiah i cuka in cun Sinhkin khuabawi tawlrel pi nak in va ral ah an va chiah tthan.

Va ral in cun Manawthukha chiatthat zohkhenhnak phu nih an motor in an rak laak i sizung ah an lanh pi colh. Tein Thaw khuami pakhat nih “cuti harsa ngai a nunnak an khamh bu ah a nunnak an khamh kholo. Sivai a dinmi a rak tam deuh ruangah a nunnak a liam hi asi” tiah a chim.

Hi nu hi nizaan May 22 zinglei sang ahkhan a nunnak a liam hi asi i Bamaw Kye pwint thlan hmun ah a ruak khangh in an vui colhh tiah theih asi. Sivai din in a nunnak a liammi nu hi kum 51 minung pasal he khua a sa mi asi i fanu fapa 5 a ngeimi asi tiah theih asi.

Be the first to comment on "Fanu Fapa 5 A Ngeimi Nutung Nu Pakhat Sivai Din In Amah Le Amah A Nunnak Aa La"

Leave a comment

Your email address will not be published.


*


This site uses Akismet to reduce spam. Learn how your comment data is processed.