Fighter Connor McGregor Chuan Ireland Sawrkar Chu PPE Lei Nan 1Million Pein Full Lockdown Kalpui Nghal Turin A Nawr

McGregor chuan an ram Ireland ram Covid-19 hrileng laka a lo him theih nan leh mipuite tan thatna tur zawk ah ngaiin rampumah full lockdown kalpui ve nghal turin sawrkar thuneitute a nawr. Personal Protective Equipment hospital lama hman tur lei nan 1million sum a thehchhuak nghal bawk a ni.

Kum 31 a upa, UFC star ropui hian a official Facebook Account-ah thinlung ngaihtuahna nghawr khawpin an ram Ireland sawrkar chu Coronavirus natna darh zel tur ven nan Full Lockdown rampumah kalpui turin a ngen. He thu hi Irish Prime minister in Thawhlehnia khapna dan thar a puan atanga reilote ah a sawichhuak ve nghal a ni.

A mimal tak pawhin he thilah hian a rilru a hahin a ngai pawimawh hle tih hriat a nia, Ireland Finance minister, Public Expenditure and Reform, Paschal Donohoe nen pawh inbiakna an neih thu leh Leinster regiona damdawi ina hman tur PPE te pawh a lei tel tih a sawi bawk.

Ireland ramah hian Leinster region hi virus natna a hluar berna hmun a nia, damdawi in lama hman tur equipment pawh mamawhna a nasa zual tih hriat a ni.

Thawhlehni khan McGregor chuan mipuite hnenah “Mi tinte chibai ule. Ireland chibai. Ka ram tan sawi duh ka neih chu pawn chhuak lova kan awm hi a tha a ni. Sawrkar lam pawh hian theih tawp chhuah se” tiin mipuite hnenah ngenna a siam zui nghal a ni. Source:DM

Be the first to comment on "Fighter Connor McGregor Chuan Ireland Sawrkar Chu PPE Lei Nan 1Million Pein Full Lockdown Kalpui Nghal Turin A Nawr"

Leave a comment

Your email address will not be published.


*


This site uses Akismet to reduce spam. Learn how your comment data is processed.