Hlasakthiam Ni Ni Khin Zaw The Voice Myanmar Ah Fak Tuk In Aa Chuahsual

The voice Myanmar season 3, blind audition ah zuamnak i aa tel ve mi Ye Khant timi pa nih hlasakthiam R Zar Ni le hlasakthiam Mi Mi Khel rak sakmi “Ngyo Thaw Pyinlay Sway Ngyin Thaw Lamin” ti mi hla cu zuamnak chung ah a rak sak.

Hi hla hi Director Kyi Phyu Shin nih muicawl a rak thlakmi ca rak phuahmi hla asi. Director Kyi Phyu Shin nih “Ngyo Thaw Pyinlay Sway Ngyin Thaw Lamin” hla a rak sa hmasa biktu cu R Zar Ni hi asi. Chungkhar kan ngeihmi Mahar Tun muicawl chuahnak company nih rak chuahmi asi i a tuanbia ttialtu Lwin Hta Hta asi. Keimah pumpak thlakmi muicawl asi i muicawl ca i rak phuahmi hla asi” tiah a chim.

Director Kyi Phyu Shin nih “hlasa taktak asi mi le a pawng um ko mi pi theih loin Ni Ni Khin Zaw nih hibantuk bia a rak chim tik ah ka hmuh i ka lung tthalo tuk” tiah a rak chim chap. The Voice Myanmar Season 3 Blind audition cu September 6 ahkhan MRTV in an rak thlah i R Zar Ni hla a satu Ye Khant hi coach minung 4 nih an tthutdan an rak mer piak dih.

Amah pumpak Ye Khant nih coach te chung ah R Zar Ni aa thim. Hi “Ngyo Thaw Pyinlay Sway Ngyin Thaw Lamin” timi hla hi hlasaktthiam Aung Htet nih a rak sak tthan ve i The Voice Myanmar coach Ni Ni Khin Zaw nih Aung Htet hla asi tiah a ruah.

Cu ruangah hlasakthiam Aung Htet tiang cu puai lio pi ah phone a hei chawnh i na hla in an zuamnak chung ah an i tel tiin le hlasatu pa he direct zong in phone a chawnh ter len hna. Hi kongkau ah hlasakthiam Ni Ni Khin Zaw cu mipi lei zong in soisel a tong ngaingai ve.

Hi hla muicawl ah tleicia Dway le Htun Eaindra Bo lem an rak cang i a hla hi hlattialthiam Saw Khu Se nih a rak ttialmi asi. Hi muicawl thlatu Dorector Kyi Phyu Shin a naunu Ma Nu Shwe Yi nih “Lamin Tho” timi title bunh in R Zar Ni le Mi Mi Khel cu hi hla telh in tape pakhat zong a rak chuah piak rih hna. Source:the irrawaddy

Be the first to comment on "Hlasakthiam Ni Ni Khin Zaw The Voice Myanmar Ah Fak Tuk In Aa Chuahsual"

Leave a comment

Your email address will not be published.


*


This site uses Akismet to reduce spam. Learn how your comment data is processed.