Khrihfa Mi Nih Zu An Din Lai Ah Thla An Cam

Kan unau Tedim lei peng an si. An thil tuah cu phundang taktak asi. Patling pipi an si i zu an din lai ah thlacamnak an ngeih ta. Hi kongah soiselnak tam taktak a hung chuak. (A tang ah video file aum).

Lai mi khrihfa sinah hi bantuk Pathain min hmang in capo silole tuahsualnak um hram ti hlah seh tiah duhsaknak an rak ngeih cio. Zu din lai i thlacam tu pa nih thla a cam mi cu hitihin asi.

“Hi bantuk in kan lennak, kan tlunnak le kan umnak hmun ah buaibainak le i sikcaknak umlo tein zu din khawhnak caantha kan ngeih khawh caah kan i lawm.

Nidang zongah hi bantuk in le pehzulh in zu le sa kan einak ah kan tel pi law buaibainak um lo ding in kan huhphenh hram ko, nangmah min hmang in thla kan cam asi” ti asi.

Thiltuah lai ah Pathian sin thlacam tami cu a lo ngai ko nain a dawhcahmi thil cu a lo deuh ruam lo. Capo awsawm in tuahmi asi sual lai tihi an phan bik ciomi asi. Thla a camtu pa zong hi tha tein dir kho loin a sawn bak in a sawn rih. Video file hi rak bih ve law an holh a fiangmi zong nan um theo lai.

Be the first to comment on "Khrihfa Mi Nih Zu An Din Lai Ah Thla An Cam"

Leave a comment

Your email address will not be published.


*


This site uses Akismet to reduce spam. Learn how your comment data is processed.