Kum 88 Minung Tarnu Inn A Kang A Nunchung Aa Khonmi A Tangka A Kangh Chih Dih

Mandalay ramtthen Myingyan khua ah sianginn uktu a rak ttuan balmi kum 88 minung sayamah kyi inn a kang i a nun chung aa khonmi a tangka kawlram tangka kyat ting 47 cu a kangh chih dih tiah Myingyan khua a siangngakchia a rak si balmi pa pakhat nih a chim.

Thil sining ah February 13 ahkhan Myingyan khua No (5) sang ah inn kangh nak a cang i cu ahcun inn tam nawn a kangh i sayama kyi nu inn zong a rak i tel ve hi asi. Inn a kangh lio ahhin an pawng hrawng ummi boarder siangngakchia hna bawmhnak ruangah a nunnak tu cu a himbawm.

Inn a kangmi meithattu hna nih mei an phelh khawh hnu in sayama kyi ihkhun tang kuang chung ummi le a kaang dihmi a tangka ting 47 cu an hmuh hi asi. A siangngakchia a rak si balmi U Chin Ko Ko nih “sayama kyi nihhin a ihkhun tang kuang chungah a tangka cu a chiah. Hlut ding, si ai ca tiin a tangka cu a tthen tete in a chiah hna. A tangka cu a number zawn a kang dih. Sayama Kyi hi amah lawng khuasa asi. Atu hi a siangngakchia hlun pawl nih an bawmhchanh cuahmah” tiah a chim.

Sayama kyi tangka leiin le thilri chawva leiin bawmhchanh a duhmi hna caah Ko Chin Ko Ko (09-43160005), U Mg Mg Thein (09-402215606), U Aung Tint (09-2212277), Daw Tin Myint Oo (09-450049963) pawl pehtlaih hna in bawmhchanhnak pek khawh asi tiah pehtlaihnak an rak langhter chih. Tangka tlawmte a hmu mi cozah rianttuan chom aa khonmi te hibantuk a lohtlau dih cu zaangfak te asi ko.

Be the first to comment on "Kum 88 Minung Tarnu Inn A Kang A Nunchung Aa Khonmi A Tangka A Kangh Chih Dih"

Leave a comment

Your email address will not be published.


*


This site uses Akismet to reduce spam. Learn how your comment data is processed.