Kum 9 Hngakchia Nute Api He An I Kholh Lio Ah Tisartlam Nih A Rak Dawh

Ayeyawaddy, Bokalay, Garin ohsuh, warthit khua, June 29 zinglei ah kum 9 hngakchia nute tisartlam nih a rak seh. Ma Ya Min Thu (kum 9) hi api he an inn in pe 9′ hrawng a hlatnak tiva ah ti kholh ah an kal.

Hi lio ah dong 10 hrawng a saumi tisartlam nih hngakchia nute cu a seh i tlik pi a timh. Mah lio ah api nih hngakchia nute cu a dawh chih ve i thinphan tuk le lau tuk buin a rak au.

Hngakchia nu apa le apu an rak phak ah tisartlam cu an tukden chih i tiisartlam nih hngakchia nu cu a thlah than. Hngakchia nute cu tisartlam nih a sehnak ah a ban khat lei a kiak i Bokalay siizung ah an kal pi.

“Kan khua ah hibantuk thil a can hi a voikhatnak asi. Mah hlan ah hibantuk hi aum bal lo. A ban a tlek mi hma hi a fak ngaingai. Cun a ruh zong a kiak i operation an tuah colh cang tiin khua upa U Thein Win nih a chim.

Siizung ah an chiahmi Ma Ya Min Thu cu thingram le ramsa lei a kilkawmtu bu in upa U Thah Zin Aung nih 50000 ks bawmhnak a rak pek ve hna. Kyaw Linn (Bokalay)

Be the first to comment on "Kum 9 Hngakchia Nute Api He An I Kholh Lio Ah Tisartlam Nih A Rak Dawh"

Leave a comment

Your email address will not be published.


*


This site uses Akismet to reduce spam. Learn how your comment data is processed.