Lai Tlangah Paa An I Ei Sual Ruangah Pafa Hna Nunnak A Liam

June 17 ah Ngente khua mi Pu Pa Sut te chungkhar nih chunhrawl ah paa meh an i meh. A zaanlei zongah paa meh thiamthaim an i rinh. A thaizing ahcun fapa fangkhat an ngeih mi Pau Khan En (kum 9) cu a paw a fak. Chun ah apa Pa Sut (kum 40) zong a paw fak ve. Zaalei ah anu Cing San Nuam le ani Man San Cing (kum 18) zong an paw a fak ve.

Paa an i eisualnak in Tedim siizung pi ah an kal pi hna i Pa Sut le a fapa cu siizung ah an nunnak a liam. An fapa hi June 22 ah a nunnak a liam i apa hi June 26 ah a nunnak a liam ve. An fapa ruak a thutpi khotu zong an rak um lo. Apa hmanh nih a thuhpi kho lo. Apa zong cu a nunnak a liam ve.

A dang cu a tu tiang siizung chungah an um rih i an mitthli le an hnapduk he an i ciah ve. Pa Sut le Nu Nuam nih hin fapa fangkhat te an ngeihmi asi. An fanu hniang nih a hngakchiat lio in a rak thihtak cang hna.

Anu le ani cu siizung ah an um rih. Siizung ah a um rihmi pahnih cu an dam ko lai. Caan raulo ah siizung in an chuak kho ko lai tiah siizung ah a umpi tu Pu Nang Za Eng nih achim.

Ngaihchia tuk a rak si nak cu an fapa te a thih ah a ruak cu Pu Nang Za Eng nih Tedim in Ngente khua ah a va thlah. A rak kir than zau i apa nih a zulh colh. Mah hnu in Pu Nang Za Eng i anupi nih a rak zulh colh ve hna. Ruak pathum bak a rak i tlai. A tang i ka langhtermi ahhin tling tein rel khawh asi.  Source: NK Nang

Be the first to comment on "Lai Tlangah Paa An I Ei Sual Ruangah Pafa Hna Nunnak A Liam"

Leave a comment

Your email address will not be published.


*


This site uses Akismet to reduce spam. Learn how your comment data is processed.