Laitlang I Mawtaw Le Cycle A Pahmi Kong Thawngfiang In Theih Asi Cang

Tedim myo Luaibual veng, 7days biakinn pawng ah tii a phormi Canter ke 6 ngaimi mawtaw le Kenbo motor cycle an i pah i cycle acit mi minung pahnih cu an nunnak a liam.

Canter mawtaw mawngtu hi Ye Win Zaw (kum 28) asi i Maguay, Seikphyo myo ah a ummi asi. Mang Sian Khual (kum 19) hi mawtaw hnuzul asi.

Mawtaw le cycle an i pah hi hmaitonh in asi. Kenbo 125 cycle a mawngtu hi U Suan Pum (kum 55) asi. Cycle hnu lei ah acuang mi hi anu Daw Hoih Do (kum 70) asi.

Cycle cung a cuangmi hna pahnih le mawtaw hnuzul pa cu mawtaw mawtaw nih diltlang lak ah a nenh chih hna. U Suan Pum hi a mittlang a kuaimi, a kut a kiakmi, a ril a chuak mi hma pawl in a hmun an a nunnak a liam. Mawtaw hnuzul Mang Sian Khual zong a ke a khong ve.

Mawtaw mawngpa cu a zeihmanh a khong lo. Mawtaw body a dep dih mi man hi ting 50 man hrawng asi i cycle hi ting 7 man asi. Cycle cu a rawk dih.

A thimi pa ruak le hliam a tong vemi nu cu siizung an kal pi hnu ah Daw Hoih Do cu siizung ah a nunnak a liam ve.

Mawtaw mawng pa Ye Zaw Win cu Tedim palik sakhan ah (pah)6/20 pohmah 304(kah)/337/279 in a-hmuh awn piak asi. Zalen

Be the first to comment on "Laitlang I Mawtaw Le Cycle A Pahmi Kong Thawngfiang In Theih Asi Cang"

Leave a comment

Your email address will not be published.


*


This site uses Akismet to reduce spam. Learn how your comment data is processed.