Lam An Lennak In Tlai Tuk Ah An Ttin Ti Ruangah Kum 15 Pa Le Kum 12 Nute Tthitumhnak An Tuahter Hna

Indonesia ram Central Lombak ah lam an lennak in tlai deuh ah a ttinmi ngakchia pahnih, aa duhdaw mi hna cu kap hnih nulepa nih tthitumhnak an tuah piak hna. Pa te hi kum 15 minung lawng asi rih i nute hi kum 12 minung ngakchia te lawng asi ve rih.

Indonesia ram thawngzamhnak Detik ttial ning ahcun nu lei hringtu nulepa nihhin an fanu te pa he leng chuah in tlai tuk a ttinmi cu an cohlang kho baklo tiah an rak langhter. Hi ngakchia hna pahnih hi chun hnu in lam an rak len tti hi asi i zaanlei 6:30PM hrawng ah inn an rak hlam hi asi.

An khuabawi pa nih “ngakchia an si rih ruangah tthen chung hna dingin an nu le an pa cu ruahnak ka cheuh hna nain tthitumhnak tuah lo cu an duh baklo. Hibantuk thil cang lo dingin ka runven ko bu an tuah chih caah an tthitumhnak puai zong ka kal lailo” tiah a chim.

Kum 15 ngakchia pa nih kum 12 nute cu a voikhat nak bik a duhdawtmi nu asi nak kong le tthitumhnak tuah a duh ve ko nak kong cu a rak chimphuan ve. Source:Detiknews

Be the first to comment on "Lam An Lennak In Tlai Tuk Ah An Ttin Ti Ruangah Kum 15 Pa Le Kum 12 Nute Tthitumhnak An Tuahter Hna"

Leave a comment

Your email address will not be published.


*


This site uses Akismet to reduce spam. Learn how your comment data is processed.