Lockdown Lio Ah A Paei Nih A Tlaihhrem Lengmangmi Kum 16 Minung Tleirawl Nute

Malaysia rammi kum 16 minung tleirawl nute nih Malaysia ram movement control order(MCO) lio March thla in June thla kar ahkhan an umnak Petaling Jaya ah a paei nih a tlaihhrem lengmang nak kong cu sianginn a kainak an sayama nu sin ah a chimphuan dih.

Petaling Jaya Police chief Assistant Commissioner (ACP) Nik Ezanee Mohd Faisal nih kum 16 nute hi a paei nih 2019 lio tein a rak tlaihhrem cang i covid-19 zawtnak ruang lockdown chiah kar tukum chung zong ah pehtlaiin a tlaihhrem rih tiah a chim.

Nute hi a paei nih a tlaihhremnak ah lungrawh le lau phun in a um pinah lung dong in a um beh rih. A paei nih a tlaihhrem mi cu hringtu a nu zong chim ngam loin a rak um rih.

Palik Bawi Faisal nih “a liamcia September 14 ahkhan nute nih sianginn a kainak a sayama thil sining a chimh dih i a thaizing Sepeber 15 ah palik sinah report an rak tuah beh” tiah a chim.

A fanuei a tlaihhrem tu kum 41 minung Malaysia rammi patung pa cu September 16 ahkhan palik nih an tlaih colh ve. Hi pa hi ni 7 chung dothlatnak tuah dingin hren chung asi i tlaihhremnak lei in taza an cuai mi ah an sual an hmuh ko ahcun kum 30 thong le fung tuk aa huah kho tiah theih asi. Source:Sinarharian

Be the first to comment on "Lockdown Lio Ah A Paei Nih A Tlaihhrem Lengmangmi Kum 16 Minung Tleirawl Nute"

Leave a comment

Your email address will not be published.


*


This site uses Akismet to reduce spam. Learn how your comment data is processed.