Malaysia Ah Chin Pa Mawtaw Lampi A Tannak Ah Mawtaw Nih A Pah I A Nunnak A Liam

Malaysia khuasa Chin mi pakhat cu mawtaw lampi a tan lio ah kah lei lam in a rami mawtaw nih a pah i a nunnak a liam.

Anih hi kawl ram i a khua cu Sagaing ram kulh, Tamu myo, Tainkaya khua asi i Malaysia a umnak cu Sungai Besi (KL) ah asi.

Amin Tong Kho Sat (kum 26) asi. Chin khrihfa mi asi. 7,6,2020 ah lampi a tan lio ah khat lei lam i a rami mawtaw nih a pahnak ah a nunnak a liam.

Chungkhar nih Kepong chiatthat bawmtu bu sinah bawmh an rak hal i 26,6,2020 ah H.U.K.M (Cheras) siizung ah a ruak va lak in zinglei suimilam 11 am ah Cheras, Jalan Kuari thlanhmun ah a ruak vui ding asi lai tiah theih asi.

Kepong chiatthat bawmchan tu bu hi Malaysia khuasa kawl ram mi poh biaknak le miphun theidan lo tein a bawm zungzal tu bu an si. Tan takmi le ngaihchiat a tongmi chungkhar chungah Bawipa nih hnem hram ko hna seh. KFFS

Be the first to comment on "Malaysia Ah Chin Pa Mawtaw Lampi A Tannak Ah Mawtaw Nih A Pah I A Nunnak A Liam"

Leave a comment

Your email address will not be published.


*


This site uses Akismet to reduce spam. Learn how your comment data is processed.