Malaysia Zawtnak A Karhnak Bik Hmun 11

Malaysia ram hika hrawng a ummi na si ahcun umkal ah naa ralrin deuh a herh. Mibu deuh umnak hrial law naa chawhleh tikah mi he naihniam tukin um kal hlah. Malaysia ram Ministry Of Health nih Malaysia ramchung Covid-19 a karh biknak Red Zone tiah an chiahmi hmun 11 a um.

Hibantuk zawtnak a zual deuhnak tiah an chiah ning hi minung 41 lengkai covid-19 an rak i chawnhnak hmun kha red zone ah tiah an chiah i minung 20 in 40 kar zawtnak an i chawnhnak hmun kha orange zone ah an chiah. Hika hmunhma pawl ummi na si ahcun ralrin taktak a herh tiah Ministry of Health nihcun an rak langhter chih rih.

Malaysia ram Ministry of Health nih red zone tiah a chiahmi hmun hna cu Petaling Jaya – 167 cases, Hulu Langat – 132 cases, Seremban – 78 cases, Johor Bahru – 68 cases, Kluang – 54 cases, Gombak – 53 cases, Titiwangsa – 49 cases, Kota Bahru – 48 cases, Hilir Perak – 48 cases le Kinta – 41 cases hna hi an si.

A cunglei langhter mi hi red zone hmun 11 asi i orange zone ah a chiahmi hmun 7 a um fawn rih. Orange zone tiah chiahmi hmun 7 cu Kepong – 38, Klang – 35, Batu Pahat – 29, Kuala Muda – 28, Seberang Perai – 23, Timur Laut – 20 le Rembau – 20 hna hi an si. Hika hmun hrawng a ummi Chin mi na si ahcun a herh tuk i na chuah caan zong ah ralrin khawh deuh rak i zuam ve. Source:MOH

Be the first to comment on "Malaysia Zawtnak A Karhnak Bik Hmun 11"

Leave a comment

Your email address will not be published.


*


This site uses Akismet to reduce spam. Learn how your comment data is processed.