Mikhual An Neih Apianga An Mikhualte Hnena An Nupuite Muttir Thintu Hnam Chu

Khawvelah hian hnam hrang hrangte hian tihdan leh kalphung kan nei hrang thliah hlawma hetih lai hian eng hnam pawh niin kalphung hran leh sakhaw hrang hrang zuitu ni mah ila, kan mikhualte chu kan ngaihsakin duat an hlawh tlangpui thin a ni. Mahni ei atana kan lei huphurh leh kan neih chuang liama kan lei chaw hmeh tui tak tak thlengin an tan kan pe phala, Kawng engkimah kan mikhualte tan malsawmna nih kan tum hram hram thin a ni.

Namibia rama cheng Himba hnamte chuan kalphung dangdai tak pakhat an nei vea, an khaw chhehvela chengte chuan Ovahimba tiin an koh thin hlawm a ni. Heng Himba hnamte hian hman lai an pi leh pute hun atang tawhin tihdang phung pakhat an neia hun rei tak ral tawh mahse, he thil an chin than leh an hnamin an lo kalpui thin chu tun thleng hian an chhawm ta zel a ni.

He an thil kalpui leh an tih mek hi tunlai khawvelah chuan a tha tawh lo a ni tih hrereng chungin an la chhawm nung ta zel tih hriat a nia, he an thil chinthan tak hi Okujepisa Omukazendu tiin a hming an vuah nghe nghe. Himba hnam tihdan mak tak mai Okujepisa Omukezendu ah chuan mi in mikhual leh thian leng mi bik deuh a nei a nih chuan a nupui ngei kha an mikhualte hnenah a muttir thin a ni.

Eng anga thian inkawm ngeih leh laina hnai deuh pawh nise an khawsakna a dang a nih phawt chuan an nupuite chu zan lamah an mikhualte an hlui ngei ngei thin a ni. Heng an thiante emaw an mahni lo khualtute nupui an mutpui avang khan inthlahrunna leh inthiam lohna engmah an nei hran lem lo.

Tiang hian Himba hnamte hi an lo khawsa mai thina mahse, zin deuh reng erawh chuan tiang hian an nupuite an mutpui thei bik lova, an vawikhat inhmuh hlawlna a nih erawh chuan an nupuite an mutpui ngei ngei thin a ni. He Namibia a Himba hnamte hi an inbual khat hle maia an balh viau chuan leisen an chawk kawia an taksaah an hnawihsen vut maia mei ah an inhem thin bawk a ni.

Ngenna: Kan Website a thuziakte lak chhawn leh hmundanga post chhawng lo turin kan in ngen e. Kan lawm e!

Be the first to comment on "Mikhual An Neih Apianga An Mikhualte Hnena An Nupuite Muttir Thintu Hnam Chu"

Leave a comment

Your email address will not be published.


*


This site uses Akismet to reduce spam. Learn how your comment data is processed.