Minung 90 Leng Covid-19 Zawtnak A Phorhtertu Music Zone KTV Ngeitu Tazacuai An Timh Cang

Covid-19 positive tam pi an hmuhnak Music Zone KTV hi a ngeitu a ho setset an thei kho lo, nawl ngeitu pawl san an tlai lo, tu tiang dantaknak an tuah kho bal lo tiah media kip nih an rak langhter.

Hi kong ah Music Zone KTY hi a ngeitu aum ko/theih asi ko. KTV an rak tuah hram thawk tein a ngeitu theih asi ko i tazacuai ding in timhlamh lio asi tiin Za-wa-nah veng upa U Hla Than nih a chim.

Covid-19 positive minung tampi an hmuhnak KTV hi dantatnak kan tuah lai tiah an rak tinak a sau ngai cang nain zeihmanh an tuah mi aum lo. Mah Music Zone KTV a ngeitu hi Yangon, Thingankyun ah KTV, Massage le Restaurant dang zong a ngeimi asi.

Tu tiang dantatnak an tuah khawh lo caah a ngeitu um lomi KTV tiin online ah sarhlaih in an thlah chihmi asi. Hi kong ah U Hla Than nih kum 10 cung minung facebook a hmang thiam mi poh nih a ngeitu umlo mi KTV nan ti cio tikah hiti ning hincun zumh khawh ding asi ti lo.

Mah KTV hi 2011 in an rak thawkmi asi i a ngeitu aum hrimhrim ko. Tazacuai ding in Sep 11 ah upa pawl meeting tuah dih asi cang. Upadi thiamsang pawl he tonnak ngeih hmasa i cu hnu ah tazacuainak tuah ding asi cang tiin U Hla Than nihcun a chim.

Covid-19 zawtnak a karh biknak Yangon, Thingankyun ah Music Zone KTV koko ah hin riantuan tu minung 90 cu positive hmuh an si.

Be the first to comment on "Minung 90 Leng Covid-19 Zawtnak A Phorhtertu Music Zone KTV Ngeitu Tazacuai An Timh Cang"

Leave a comment

Your email address will not be published.


*


This site uses Akismet to reduce spam. Learn how your comment data is processed.