Mizo Ram In A Rak Kir I Tedim Ah Quarantine A Lut Liomi Pakhat A Nunnak A Liam

India in a rak kir i Tedim myo, Dimpi khua ah Facility Quarantine alut lio mi kum 31 pa pakhat cu tu zingah a nunnak a liam.

A mah hi Dimpi khua Facility Quantantine aluh hi June ni 10 in asi. June 25 ah a taklinh a zual deuh caah Tedim myo general siizung pi ah an kal pi i siizung ah a nunnak a liam tiin covid-19 emergency committe volunteer chungtel asi mi Mannu nih a chim.

“Ni zaan ah a taklinh a zual deuh caah siizung ah an rak phak pi. Asinain tu zing ah a nunnak a liam. A rak hmanmi (swab) pawl zong an rat pi lo. Mah hlan zong ah raifenh zawtnak a ngeimi asi” tiin Mannu nihcun a chim.

Mithi pa nih a rak hmanmi (swap) pawl cu tuzing ah an va lak chom i Tedim ahcun vawlei ah phum chih a cang tiah a chim.

Dimpi khua hi Tedim myo he meng 2 hrawng a hlami asi a mah he Facility Quarantine a lut timi minung 4 an um ti asi. CS Mung No

Be the first to comment on "Mizo Ram In A Rak Kir I Tedim Ah Quarantine A Lut Liomi Pakhat A Nunnak A Liam"

Leave a comment

Your email address will not be published.


*


This site uses Akismet to reduce spam. Learn how your comment data is processed.