Na Nu Sinah Kan Kal Pi Lai Ati I Thluak Tlamtlinglo Nu Cu Mi Umlonak Deubuk Ah A Tlaihhrem

25,6,2020 zaanlei suimilam 7 hrawngah Bago myo ah aummi nu (thluak tlamtlinglo nu cu Yangon-Mandalay mawtaw lam thing lei in Bago leiah a ra thlaihmah. Hi lio ah a theih bal lomi pa pakhat nih a rak auh i na nu sin ah kan kal pi lai ati i Bago myo, Ohthar myothit lei ah a kal pi.

Mi umti lonak deubuk chiate umnak an phak ah mipa nih thluak tlamtling lo asi mi kum 34 nu cu a tlaihhrem. Minu nihcu pahi a ho asi zong a hngalmi asi lo. Asinain a mui ka hmuh ahcun ka theih lai tiah ati.

27,6,2020 ah Bago myo no.3 palik sakhan ah report an tuah ning in pohmah 376 in a-hmuh an awn piak i mi tlaihhremtu pa cu an rak kawl.

Palik nih hlathlainak an tuah tikah 28,6,2020 ah an lunghrinh mi pakhat an theih khawh. Hi pa hi Di Long @ Mawsidong @ Aung Moe (kum 46) asi. An lunghrinh ning in a inn ah an kal hnawh i an va tlaih.

Bia halnak an ngeih tikah Aung Moe nihcun sual a tuahmi cu amah tein a phuan. Tlaihhrem a tongmi nu nih a chim mi muisam zong a mah hi a rak si. Aung Moe nih a sual a phun ning in a tlaihhremnak hmun ah action an tuahter than i record an lak dih than. A herh ning in dantat ding ah an timhtuah lio asi.

Be the first to comment on "Na Nu Sinah Kan Kal Pi Lai Ati I Thluak Tlamtlinglo Nu Cu Mi Umlonak Deubuk Ah A Tlaihhrem"

Leave a comment

Your email address will not be published.


*


This site uses Akismet to reduce spam. Learn how your comment data is processed.