NgaktahA Cawm Kengtu Mintami Khine Hnin Wai Nih A Thih Tik Caah A Pum Aa Hlut Cia

Mintami Khine Hin Wai nih V-day ni ah a thil tuah cu khuaruah har lei asi. A thih tikak santlaihnak a ngeiti lomi a pum cu santlaihnaknak a ngeihnak hmun ah hman ding in a rak hlut hna. Hi zong hi ka dawtmi minung nih a ka forhfial caah asi tiah ati.

Khine Hnin Wai hi miharsal bawmhnak ah a tel zungzal mi asi ve i ngaktah zohkhenhnak sianginn zong a derhmi asi. Khine Hnin Wai nih a zohkhenhmi ngaktah pawl hi nu le pa nih an rak hlonh mi le an thihtak cang mi pawl an si. A zohkhenhmi hna hngaktah tete cu a mah chungchuak fale bantuk in a dawt hna.

Hnaktah zohkenhnak sianginn a ngan deuh mi a rak sak ka ah thangchiat a rak tong ve. Nagkfah zohkhenhnak sianginn tuah in mithannak ah a hman tiah an ti. Cun a zohkenhmi ngaktah pawl zong hi nu le pa nih sualnak an tuah hnu ah an hrimmi hngakchia, cawm an duh lo i an hlonh mi lawngte an si. Ngaktah bawnlo lawngte an si tiah an rak ti.

Hi kongah Khine Hin Wai nih ngaktah zohkhenhnak sianginn ka tuah mi ah nan mah phaisa fakhat te zong a tel lo. Cun hi bantuk rian hi a mi kip nih lungsau in an tuah khawh mi asi lo. Hngakchia cungah dawtnak ka ngeih caah ka tuah mi asi. Cun ka zohhenhmi hngakchia cungah sual puh hna hlah uh. Nan duh ahcun kei mah hi ka ti ko uh tiah a leh hna.

Khine Hin Wai nih a zohkhenhmi hngakchia hi a tu tiangah 198 an si. A zohkhenhmi hngakchia pawl an chuah ni zong pakhat hnu pakhat in a tuah piak lengmang hna. Feb 14 (V-day) ah Khin Hnin Wai nih a thit tik i pumsa cu kawl ram pi sii lei cawnnak thangcho nak caah a rak hluh hi asi. Khin Hnin Wai nihcun kei cu chawva in zeihmanh hlut awk ka ngeilo. Ka thi, ka pum, ka mitnang le hlut awk a thami vialte ka hlut dih tiah a ti.

Be the first to comment on "NgaktahA Cawm Kengtu Mintami Khine Hnin Wai Nih A Thih Tik Caah A Pum Aa Hlut Cia"

Leave a comment

Your email address will not be published.


*


This site uses Akismet to reduce spam. Learn how your comment data is processed.