Ngandam Loin Aum Caah Lungdong In Hitihin A Tuah

Myeik myo, Khanphya khua, Sep 1, zaan suimilam 8 ah ngandam lomi pa pakhat cu a mah tein a nunnak a la. Zeitik lio in a nunnak a lak cu hngalh asi lonain a ruak in an rak hmuh hi suimilam 8 hnu ah asi.

Ko Aye Min (kum 44) hi Kanphya lam “Wine” sikhan pawng i an mah inn tiikhor chung ah hri in a rak i thlai hi asi. Palik sinah thawng a rak thanhtu pa nih a chim ning ahcun kei nih ruak ka rak hmuh hi cu zaan suimilam 8 hnu ah asi.

A nih hi mah hlan ah dam loin a rak um i sau ngai a kuat cangmi asi tiah a chim. Myeik myo palik sakhan in mithi pa kong ah a hmuh an awn hnu i veng chung mi bawmhnak in Myeik myo siizung, mithi khan ah an kuat.

Ruak an rak hmuh ah hin a leng i hri lawng an rak hmuh hmasa. Hri a tlaimi an zoh tikah ruak cu a tang phan loin a tan tim hrawng ah a rak i thlai. Damlo in a rak umnak a sau cang i lungdongh in hiti a tuah hi asi lai tiah ruah asi.

Be the first to comment on "Ngandam Loin Aum Caah Lungdong In Hitihin A Tuah"

Leave a comment

Your email address will not be published.


*


This site uses Akismet to reduce spam. Learn how your comment data is processed.