Pa Dang He An Rak Ngeihmi A Fate Le A Nupi A That Hna I Palik Nih An Tlaih Hlan Ah Thihsii A Rak Ding Manh

Mingalardong, Kyusan khua, no. 4/149 ah aum mi Ma Myo Myo cu a fale 3 he inn ah an um lio ah an i then cang mi a pasal Pyung Gyi @ Moe Thura cu namte i ken in ruahlo pi in a rak phan.

Pyung Gyi @ Moe Thura nihcun a kenmi namte in a nupi Ma Myo Myo le a fale Win Htet Kyaw (kum 13) le Pu Soe Ma (kum 5) cu voi tam taktak a sawh hna. Mah hnu in inn in a chuak tak than hna. Inn in a chuah in Ma Myo Myo i a naunu Ma Wai @ Kyu Kyu Wai he an i ton i a mah zong cu nam in a sawh chap rih.

Mah hnu in a zaam i ram tang ah a rak i dor. Pyung Gyi @ Moe Thura nih nam in a sawh mi hna minung 4 chungah Ma Wai @ Kyu Kyu Wai le Win Htet Kyaw cu a hmun ah an nunnak a liam. Ma Myo Myo le Pu Soe Ma cu siizung ah an kal pi manh hna.

Pyung Gyi @ Moe Thura cu a rak i thuhnak ram tang ahcun palik nih an rak tlaih khawh. Asinain palik nih an rak tlaih hlan ah rungrul thahnak sii a rak ding manh cang. Palik kut ah a phan ko nain sii a rak din mi in tu zing ah a thi ve tiin sakhan hmu Zaw Moe Oo nih a chim.

Kyu Kyu Wai i a nu nih a chim mi ahcun a tu i a thi mi hi ka fanu a hniang deuh asi. Upa deuh hi siizung a phan mi cu asi. Upa nu hi mah hlan a pasal he fa 2 an ngei i a tu a pasal he fa 1 an ngei. A tu i nam in a sawh mi hna ah hin a mah fa cu a sawh lo i mah hlan i a pasal he an ngeihmi fale pawl lawng a sawh hna tiah a chim.

Mithattu pa nih a rak tial tami ca zong palik kut ah a rak phan. ” Na cungah zeitik hmanhah ka lung diriam lai lo. Ka nunnak vialte na ka hrawh dih. Keimah lawng silo ka fate zong” tiin soft-pen in a rak tial tak.

Be the first to comment on "Pa Dang He An Rak Ngeihmi A Fate Le A Nupi A That Hna I Palik Nih An Tlaih Hlan Ah Thihsii A Rak Ding Manh"

Leave a comment

Your email address will not be published.


*


This site uses Akismet to reduce spam. Learn how your comment data is processed.