Papar, Arsa Le Coca Cola Chuanmi Ei Sualnak In Nu Pahnih Nunnak A Liam

Shan ramkulh Taunggyi khua Thittaw sang inn pakhat ah Papar kio mi, arsa le coca cola chuan tti mi ei sual nak in nu pahnih nunnak a liam tiah Thittaw sang upa hna sinin theih asi.

Thittaw sang Zawtiga lam ummi inn pakhat ah chungkhar hna cu June 22 ahkhan Shwe Bone Pwint tlang cung ah an kai nak ah papar an ttawh pah i cu papar an ttawh mi cu chuncaw meh caah an kio i an ei. Zaanlei sang zaanriah meh ah arsa coca cola in chumhmi kha an i meh tthan hna.

Thittaw sang upa pakhat nih “ka theih ning ahcun chun papar meh an ei kaa ahcun an zeihmanh a tilo tiah kan theih. Zaanlei sang ah coca cola in arsa chuanmi an ei tthan hna i minute 30 hrawng a rauh hnuah an paw a fak colh. An chung a tlik hna i an luak an luak. Sizung ah zarh khat hrawng an um hnuin minung pakhat nunnak a liam. A thih a nithumnak a ruak vui an timh ni a dang nu pakhat a nunnak a liam tthan. A hnu deuh thimi nu hi nizaan ahkhan a ruak vui asi” tiah a chim.

Hibantuk tirawl eisual nak in hin chungkhar nu 4 sizung an rak phan hna i minung 2 an nunnak a rak liam hi asi. June 25 ahkhan kum 73 tarnu a nunnak a liam hmasa i June 27 ahkhan kum 40 hrawng nu pakhat a nunnak a liam ve hi asi. An ruak cu Taunggyi khua tlangcungmi phun pawl thlan hmun ah an vui hna tiah theih asi. Source:GTA

Be the first to comment on "Papar, Arsa Le Coca Cola Chuanmi Ei Sualnak In Nu Pahnih Nunnak A Liam"

Leave a comment

Your email address will not be published.


*


This site uses Akismet to reduce spam. Learn how your comment data is processed.